سنابل طافيه

بارت هدية

رواية سنابل طافيه ..

بارت اضافي  ..

بقلم غفران آل حنيحن

.....................

🚫 تابعوا الحساب دادة ولا تنسون التصويت والتعليق بين الفقرات 🌝❤️

....................

ما فائدة القرب ، ان كنت تنوي الرحيل ؟

شهـزنـان :- اخذت الاكل خليته گبال بيبي ما شاء الله مسوين اقامة جبرية بـ بيت إسلام وكلة من بيبي حتى من نريد نرجع تجلب متقبل لا هي ولا عمة سناء گولة بشار مادام رملة وسناء تحالفن إقروا السلام على اخوي ومرته ..

طلعت منها رحت اكمل شغلي اليوم اخر يوم النا هنا بس باجر نفض السبعه ونرجع للكوت وفرحانه راح يبدي دوام الكليات واداوم مرحلة اولى تحليلات كلش فرحت بقسمي رغم جان حلمي طب عام بس ميخالف التحليلات هم مجال حلو وطبي المهم بي شيء من ريحة الطب ..

اليوم لا إسلام ولا عزام مبينين مختفين عاد اخذت جرك بماعون جابة بشار حار بالسمسم ويا جاي صحت لغيد ورحنه لريماس اليوم مانزلت بقت بغرفتها دخلنه جفت نعرف إسلام ماموجود لگيناها متربعة على السرير ودانيال خال راسة بحضنها تسويله مساج لراسة ..

غيد :- عادي نحتل غرفتج ترا ما فارغين جايين وجايبين المتاع ..

ضحكت وسمحتلنه نفوت دانيال بس شافنه اجه يطلع لزمته غيد من ترواكته رحت اني خليت الصينية على الارض وتربعت گابلتني ريماس ..

غيد :- انت ليش بس تشوفنه تطفر يصير عاشگلك وحدة بينه؟

دانيال :- هيج ذوقي تافه اعشگلي وحدة منجن؟

تخوصرت وهي توگف گبالة :- انهجم راسك يبو راس ندري بيك حلو بس ترا احنه احلى منك باوع لعيوني يجيبون راس اكبر واحد ..

دانيال :- هالأشوف راكان شارد من عيونج على كد ماجابت روس گلك اشرد بريشاتي واطلع براس سليم ..

طلع يضحك وهي تشيل روحها وترگعها عود اجت تشاقيه تالي حرمصها وطلع گعدنا نضحك عليها تالي گعدت تاكل وتسب براكان بقينه نحجي شوية ونزلنا كلنه نسوي عشة ..

نمت من وكت وماصادفت عزام اليوم الفجر فزيت على صياح ريماس او بالاحرى كلنا فزينه ..

مالحگت البس شالي من الرهبة طلعت اركض جان إسلام يم الباب يريد يطلع وريماس لازمة ملابسة وتتوسل بي وتبجي عزام واگف على صفحة يخابر وبصفة بشار متخوصر يروح ويرجع ..

صاح بيها إسلام :- منارس كافي ملحة ماترحين ..

هي تبجي وتتوسل بي ياخذها اشوفة مخبوص ويريد بس يطلع اشرلنا اني وغيد نجي ناخذها رحنه لزمناها وهي تصيح بينه تريد نعوفها طلعوا الولد ملخت روحها نريد نفتهم منها شيء ماكو سحبها دانيال لحضنه يهدي بيها ..