سنابل طافيه

part 7

السلام عليكم..

رواية " سنابل طافيه "
البارت السابع

بـ قلم غفران آل حنيحن

🚫 حبايب لا تنسون التصويت ؏ البارت والتعليق بين الفقرات..
_____________________________________

" مثل كمانٍ في حاجةٍ إلى كتفٍ ليستريح • "

س

حر ..

مرات تجيك ضربات لا على البال ولا على الخاطر اغلاط بسيطه تكلفك عمر كامل بلحضة طيش منك تخسر الي ألك والي عليك لحضات تصير كلمة لو رفيقتك طول العمر تتمنى يرجع بيك الوكت وتغير الماضي وهذا الي صار وي اخويه حسن غلطه غلطها بدون ميتقصد كلفته حياته ودمرنه ويا..

من شفته طاح بحضني فاقد وينزف دم صرخت من كل كلبي ملابسه كلها دم وايديه نترست دم صرت اصرخ بهستيريه اريد اوكف النزف على صوتي الكل طلع ومن شافوا حسن ينزف بايدي انصدمو جان اسرع واحد بيهم حارث جثه كبالي يحاول يسحب حسن من حضني واني مجلبه بي بكل قوتي ماريد اعوفه وهو يجر ويصيح بيه اعوفه اجه يوسف جرني منه وهم جثه كبالي ابجي واباوع لامي الي تلطم على خدها وانهارت من المنظر ..

صاح عگاب بحارث الحاط حسن بحضنه .. ولكك حارث شبيي اخييك رجليه بادت بعد مابيه اكوم ..

شاله حارث بحضنه بدون مايجاوب عگاب وركض بي بروح لايبه واخوتي يركضون وراه ماعدى عگاب الراكع على ركبه رجليه ماتن من الهبطه بس رجع تماسك روحه وطلع يركض وامي وراه ..

درت وجهي اباوع بوجوهم واني منهارة اريد حضن يلمني ويگلي لاتخافين اخوج بخير وماخاب ضني من لجأت للشخص الصح توجهت على صباح وتلكتني بحضنها الدافي وهي فاتحتلي اديها ودموعها تجري على خدها تطبطب على ضهري وتهمس بكلمات تبعث الكلبي الطمأنينه والسكينه ..

صباح ..لاتخافين حبيبه كل شيء مابي هسة يرجع واگف على رجليه شدة وتعدي ..

سناء ..وعليمن تضحكين عليها ماشفتي دمه شلون فيض الكاع مبين موات ..

زمخت بيها ..فااااال الله ولاا فالج بيش طالبتتته ..

سناء ..وشنهي عيني قابل مجذبين ماشفتي دمه شلون تارس الكاع ..

هزت ايدها رجاء وهي تكول ..هو الموت حق وكلمن يموت بيومه خوما تردن تعترضن على حكم ربجن خلي يموت ويرتاح هي شبيها الدنيا ..

ايدتها سناء .. اي والله يختي لا عاب حلكج هو الكبله شحصلوا من الدنيا كون يموت ويرتاح احسله ..

سميرة ..اي ليش لا الموت للزينين حتى تضلن بس انتن عبنجن عارات ..

رجاء ..اكلج انتي شعليج ياهو ساحك على ذيلج شو ماتستحين ..