سنابل طافيه

part 25

رواية سنابل طافيه
ا

لبارت الخامس والعشرون

بـ قلم غفران آل حنيحن

🚫 لا تنسون التصويت ؏ البارت حبايب والتعليق بين الفقرات..
______________________________

‏مُنذ أول ضحكة رأيتها على وجهك همس ليّ قلبي
"نحنُ على وشك الحياة"

شهزنـان :- ثاني يوم من گعدت ضاربتني صخونه بالعضم وجسمي كله نحلان كل ما اغمض عيني يجي ابالي شسوة بيه البارحه لا بيه الومه واعتب عليه ولا بيه اتحمل ذنب الي سويته ،، البنات يمي يتحركن ويجهزن بنفسهن للروحه وكل شويه متناگرات بيناتهن وغيد عوزها تبجي تريد الملابس الي لابستهم زينة ..

غيد :- ترا مو حاله هاي بكل طلعه تختارين احلى لبسه وتاخذيها ..

زينة ترتب بشالها وترد عليها بتبرير تتجنب المشاكل وياها :- لا والله اصلا ملابسج احلى من ملابسي بدلت بعد وين بيه انزع ..

غيد :- على اساس كلش راح تنطينهن اذا ما لابستهن ..

زينه :- شبيج والله متواعدة وي علي يوگـف بالشارع اشــوفه قبل لا اروح اريد اطلع حلوة گدامه ..

غيد :- انتم ما تتـوبون الا تنلزمون يلا ترتاحون ..

زينة :- ادري شنسوي مو گدامج من يجي يخطب مايقبلون شبيدة بعد ..

غيد :- والله ماعرف بس مدام هشام يريدج لو ترگعين راسج بالحايط ماتصيرين لـ علي ..

زينة :- لا اسم الله لا تفاولين والله اذا مو لـ علي ما اصير لغيرة مو بكيفهم ..

غيد :- الله كريم عود ..

زينة :- هاي بعدها ماگعدت لج شمشم گومـي تأخرنا ترا هم يالا تحضرين نفسج ..

نزلن بعد ما خلصن واني گمـت متكاسله گوة امشي غسلت وجهي ولبست الملابس المحضرتهم حتى مالي واهس ارتب نفسي
لبست شلون ماجان وسحبت غراضي ونزلت وراهن ارتبكت من شفت عزام گاعد بالصاله من شافني ضل مركز بنضره عليه ماعرفت افسر معنى نضراته مبهمه بس صافن بيه ..

شـهزنان :- صباح الخير ..

الكل رد الصباح الا عزام ضل يباوعلي مقلص عيونه ابتسم بجانبيه وگال ..

عزام :- صباح الخير والعافيه شمامتي ..

بلعت ريگي بتوتر متجنبه اخلي عيني بعينه احس نفسي صرت اخاف منه مو لان رفع ايدة عليه لا بس اخاف يگلهم شسويت
والله امي گبل تتبرة مني وتطلع نفسها من السالفه وكلها توگع براسي اصلا يطبني وجع استاهل تغابيت ومشيت وراها لحد ماطاح حضي بس والله من غيرتي وغبائي مشيت وراها واني مغمضه ..