سنابل طافيه

part 17

السلام عليكم..

رواية " سنابل طافيه "
البارت السابع عشر

بــ قلم غفران آل حنيحن

🚫 حبايب لا تنسون التصويت ؏ البارت والتعليق بين الفقرات..
______________________________

"وفي النهاية‏خانك الخيال ‏و جلست غريباً كحجر داكن ‏في صحراء بعيدة ‏يروي ذاكرة البراكين‏ ولا يصدقه أحد"

ريسان (ابو عباس) .. يلا بويه تعاي يعقدولج على عودة ابن الشيخ ..

بالاول عبالي متوهمه لو سمعت غلط بس من امي سألته وعاد الجمله انصعقت شيحجي ابوي ياعودة جا والشويب ..

بدون تردد كلت ..

ذنوب ..ما اعقد لو اعرف تذبحني هنا ..

ريسان ..يلا عاد مو بكيفج رضيتي مارضيتي العقد هذا يتم تعرفين العواقب اذا ماسمعتي الكلام
فجري عدل افضل الج ..

جرني من ايدي يم الباب ضجت حيل هسة يلا تذكر بس هو كلي يساعدني مو يعقد عليه شبي هذا نسه ثارة وي حسن
هو سحر مارضه بيها يمه بس لا هم يريد ينتقم مني انه شكو والله العب بي لعب اخاف عباله اني سهله تم العقد وصرت شرعا مرته
زين هذا شوكت لحك خطبني شوكت المشيه اشو لحد الصبح انه مخطربة للشويب راح اتخبل شجاي يصير ..

زين ليش ماوياهم نسوان بس مرة وحدة معقولة اهله ماقابلين !!

شويه ودخل حتى يلبسني الذهب انه كل شيء مامفتهمه هو شجاي يصير عقد عليه وجايب بس مشية زلم ومرة وحدة
نسوانهم وين زين سحر والله عقلي مايجمع وكف ..

تقدم باس راسي وهمسلي بخفوت .. گد الوعد ..

قللت صوتي ..يا وعد يا سعد ليش عقدت عليه وصارلك اسبوع مختفي
وانت ماكتلي راح تتزوجني نسوانكم وين شصاير فهمني ..

عودة .. دجري نفس على كيفج ليش عقدت عليج لان رايدج ..

ذنوب ..شرايد مني ترا انت حتى ماتعرفني ..

عودة ..انتضري شويه ونتفاهم بس خلينه نفضها ..

رادوا يلبسني الذهب فشويه وطبت سحر وياها بنت طويلة حليوة ومرة شايله طفل ..

فرحت بشوفتها حيل تحاضنه وشاورتني تباركلي اجوي البنات باركلي وحسب ماعرفت البنت اسمها اسمهان والمرة نجاة
لبسني الذهب وطلب منهم نحجي وحدنه وامي ماصدكت جانت فرحانه لان صرت لعودة مو لشويب ..

دخلتنه بوحدة من الغرف اول ماسديت الباب ابتسملي ..

كعدت كباله وانه انتضر يحجيلي .. بدأ يحجي بعد ماحمحم ..شوفي ذنوب وياج انتي هسه مستغربه ليش عقدت عليج
تتذكرين بيوم سألتج اذا عندج مشكله بالزواج لو بالشخص الي تتزوجي كلتي ماعندج مشكله بس كون متاخذين هذاك صح لو لا ..