سنابل طافيه

part 19

السلام عليكم..

رواية " سنابل طافية "
البارت التاسع عشر

بـ قلم غفران آل حنيحن

🚫 لا تنسون التصويت ؏ البارت حبايب والتعليق بين الفقرات..
_________________________________

" ثم يخرج شعورك من عينيك لأن داخِلك

لم يعُد يتسع . "

ريماس ..
الصبح گعدت على صوت حركة عمتي نعسانه بس عيب منها كمت وياها بعد ماغطيت داني عدل طلعت لگيتها بالمطبخ ..

ريماس ..صباح الخير ..

رحاب ..صباح النور حبيبتي يلا غسلي وگعدي اخوج حتى تتريكون ..

ريماس ..لا عمه خلي نايم على الصار البارحه لو ينام سنه هم ماگعدة خلي شوي يرتاح ..

رحاب .. وانتي ليش گعدتي لو باقية نايمه ..

ريماس ..لا شبعت نوم يلا خلي اغسل وجهي واجي اساعدج ..

رحت للحمام غسلت وعدلت شعري وطلعت اساعدها اباوعلها گوه واگفه علئ رجلها بس ماتگعد تتحرك ..

ريماس ..عمتي روحي اگعدي اني اسوي ريوگ ..

رحاب ..لا حبيبتي مرتاحه قابل شعندي هو ريوك ..

ريماس ..لا عمتي اني عاجبني اسوي الريوك روحي يلا گدامي شو ..

اخذتها من ايدها اريدها تگعد ..

رحاب ..ولج على كيفج دخت ..

لزمت راسها بوجع دايخه گوة مسيطرة على وكفتها گعدتها على التخم ..

ريماس .. والله ضجت عمه ياريت ماهبطتج وخوفتج اذا صارلج شيء فـ من وراي ..

رحاب ..انتي شعليج يا امي واصلا احسن شيء سويتي من گلتيلي واذا على ضغطي فـ من زمان هيج بسبب رائد الشالع گلبي ..

ريماس ..بعدة ميقبل يرجع ..

جرت حسرة بقهر ..ميقبل يگلي اذا متجين يمي بعد متشوفين وجهي ..

ريماس ..عمه انتي هم على كيفج ويا تعرفين بي طموح ويريد يحقق حلمة
ليش مترحين ويا احسن ثنينكم متعلعلين ..

رحاب ..شبيها الدراسه هنا يا امي وحد عن العالم يگدر يدرس هنا ..

ريماس ..بس لو نرجع للواقع الدراسة بالخارج احسن بهواي ..

رحاب .. الله كريم نشوف وين تصفه ..

عفتها ورحت سويت الريوگ دورت على خبز او صمون ماكو  ..

ريماس ..عمه وين الخبز ..

رحاب ..ماعدنا هسة اني اروح اجيب من الافران ..