سنابل طافيه

part 46

رواية سنابل طافيه ..

البارت السادس والاربعون ..

بقلم غفران آل حنيحن

....................

🚫 متابعة للحساب داده ولا تنسون التصويت والتعليق بين الفقرات ❤️
....................

عيناهُ بَحرٌ لَم أبلغُ سَواحلهُ
بَل تِهتُ فيه وَضيعتُ أتِجاهاتي !

-----------

ريـــمــــــــــاس :- دخلت شهر السابع وبديت احضر نفسي للولادة لان ولادتي تصير بشهر السابع إسلام صاير بيني وبين زينه وبين ابنه يحتار على منو يخاف بينه اغلب وقته يخلصة وي زينه او اگدر اگول بقايا زينه انسانه ثانية تماما مو زينه نفسها الي نعرفها ملابسها سود عريضه و العصابه حد وحد وي عيونها حيل انكسرت بموت علي صارت انسانه هشة ضعيفة ..

تعلقت بجهالها كلش صارت روحها بيهم دائما تگول هذول قطعه من علي الحمد الله الله رزقني بيهم صح مايعوضوني بفراگة بس اصبر نفسي بيهم ..

صوره ماتفارگهن ابد دوم تگلب بيهن قبل لاتنام واول ماتگعد دمعتها ماتفارگها ..

لحد الآن اتذكر بيوم الاربعين شلون انهارت ووصلت للموت بقدرت القادر گامت على حيلها ..

جنت اعدل بنزلت السرير الي اگدر عليه اسوي دانيال عندة اجازة وخطية رغم تعب التدريب بس ما عايفني هو الي يساعدني إسلام لو طالع لو يم زينه مايدور اي كلام بينه زعلان مني بسبب غلط اقترفته بدون قصد ..

دخل ملابسة متربه هسة راجع من المعمل اول ما دخل نزع التشيرت وشمرة حتى ما سلم دنگت لازمه ضهري گوة اريد اشيل تشيرته دنگ قبلي شاله ابتسمت رغم زعلان مني بس گلبة ماينطي اتأذة لو اتعب ..

:- اسويلك شيء تاكله ..

ما رد عليه متجاهلني ..

تحمحمت و رجعت سألته بس هالمرة زمجر بعصبيه ::- ما اريد شيء ..

استهضمت والعبرة ترست صدري ادري غلطانه واني بنفسي ضايجه وكارهه نفسي بس لا يعاملني هيج انقهر كلش اعترف ما اعرف اتصرف هالفترة عقلي مشوش و اسوي الشيء بدون تفكير منا الحمل وهرموناته ومنا إشتياقي لإبني شصير يعني ..

حجيت بهدوئ والدمعه بطرف عيني ..

:- إسلام ..

::- خييير ..

بجيت ماتحملت فرك وجهه متحسر ..

::- عليش البجي ..

:- والله مجان قصدي ..

::- ريمة مو كافي؟ كل شيئ تسوينه و صحتي مو بقصدي ركتي فوگي وجاي اعديلج ولازم روحي گوة اگول ميخالف لا تأذيها لا تقهرها لا تبجيها طلعت روحي واخو زينب تعبتيني شسويلج يعني الا اهينج واطيح حضج كل يوم يلا تمشين عدل؟