سنابل طافيه

part 24

رواية " سنابل طافيه "

البارت الرابع والعشرون

بـ قلم غفران آل حنيحن

🚫 حبايب لا تنسون التصويت ؏ البارت والتعليق بين الفقرات
____________________________

" وَرَأسٌ مِن كَثرَةِ التَفكير يَكَادُ ينفَجِر "

ريماس :- باقيه احمس بنفسي اريدة بس ينطق ويفهمني شيقصد بكلامه لان كلامه مايستوعبه العقل بعيداً عن كونها امي وين اكو انسانه مريضه نفسيه لهذي الدرجه توصل بيها تكتل انسان بدم بارد لا لا والله ماجاي اصدك ابد ماجاي تدخل لمخي ..

عقيل :- ادري بيج ممصدگه ريماس ماريد ازعلج واقهرج بس انتِ لازم تعرفين امج شنو وشتگدر تسوي حتى ماتلومينه من نبعدكم انتِ واخوج منها ..

ريماس :- عقيل الله يخليك والله گلبي گام يوجعني بس فهمني شتقصـد بكلامك ..

غـمـض عيونـه بأسى علـى حالتـي ..ارتاحي انتِ وبعدين تعرفيــن كـل شي بوكتـه حلو ..

گام يريد يطلع بدون قصد بس كرد فعل ردت امنعه يطلع لزمت ايدة
جمد بمكانه عين عليه وعين على ايدي .. لا تطلع مو تحجي شيء وتسكت اريد اعرف كل شيء واعتقد من حقي ..

ابتسم نصف ابتسامة ..
عقيل :- بعدج صغيرة من تكبرين احجيلج ..

ريماس :- الكبر بالعقل العمر مجرد رقم عقيل ..

عقيل :- تعجبني ردودج ..

تحمحم واردف :- شوفي اني جاي احجي بس حتى اخليج على بينه من الـي ديصير من الدايرج رغـم إسلام حذرنا نحجـي شيء گدامـج مايريد يكرهج بالمرة الي تتسمه امج
وانتِ گلتي الكبر بالعقـل العمر مجرد رقم امج مرة سيئه وخطرة عليكم الله الي يعلم لو باقين وياها جان ودتكم بستين داهيه
للصراحه اني ماردت ندخل بيكم بالبدايه ومنعت الولد يوصلوكم ماريد اخذ لا ثار ولا اريد اخذ حق ربي هو الي ياخذ حقنه منها كل ساق سيسقى بما سقى بالبداية گلت هي امكم ماكو ام تضر ضناها بس بعد ما عرفت كل شيء ايدت إسلام بقرارة ..

ريماس :- عقيل مو هذا الي اريد اسمعه اريد اعرف امي شسوت شتقصد بـ رملت عمتك وتهمت عمك بكتل ابوي وموت ابوك شعليه بـ اهلي اصلا ورا 5 اشهور من موته يلا ابويه عرف صدگني ..

عقيل :- بقصد او بدون قصد ابوي مات بسبب اهلج جايج بالحجي انتي اسمعي وراح تعرفين كل الاجوبه على تساؤلاتج ..

هزيت راسي بـ اي مستمعه لكلامه ..

عقيل :- انتِ تعرفين امج وابوج شلون تزوجوا ..

ريماس :- اي كل شيء اعرف امي جانت خطيبة عودة صديق ابويه الله يرحمه
وبابا حبها قبل لايعرف هي خطيبته او خلي نگولها بالمعنى الاصح زوجته لان عاقد عليها ومن عرف حاول يبتعد عنها بس للاسف ..