سنابل طافيه

part 15

السلام عليكم..

رواية " سنابل طافيه "
البارت الخامس عشر

بـ قلم غفران آل حنيحن

🚫حبايب لا تنسون التصويت ؏ البارت والتعليق
بين الفقرات فضلا وليس امرا..
__________________________________

" وَتَظُنّ إِنّها النِّهَايَة ، وَفَجأة، يُصلِحُ اللهَ كُلّ شيءٍ "

ا

لشارع گمريه ويصوصي مابي جنس مخلوق يخوف مشيت كم خطوة بحذر استوقفني صوته ..

..شتسويين بنص الليل وين موليه ..

عيوني نفتحن على وسعهن من الصدمه لا ياربي انتهيت خلص راح يذبحوني كل الي گدرت اسوي اركض بكل سرعتي
بدون ما دور وجهي رغم ماعرفت منو هو بس مجرد ماسمعت الصوت انرعبت ..

صوت خطواته وراي يركض مارجع صاح عليه وانه استغليت الفرصه وصرت اركض واركض اليوم لو بالهدف لو بالنجف
لو انجح واكدر انهزم وانقذ نفسي لو انكض وكبل انذبح ..

حسيت بنفسي ارتفعت عن الكاع ردت اصرخ وافضحهم بس فجأة خلة ايدة على حلگي
شايلني بحضنه وحلگه قريب على اذني ..

..اذا اسمعلج صوت انعل والديج خليج هادئة احسن الج ..

هزيت راسي موافقه وخر ايده بهدوء ونزلني درت عليه اريد اتوسله يعوفني بس الصدمة اجتاحتني حلكي جف من شدة صدمتي
اخر شخص توقعت يلكاني وبهيج وضع همست مذهولة !!

.. عودة؟

..اي ست ،، كليلي وين مولية بنصاص الليالي ؟

ضليت متجمدة بمكاني عيوني مانشالت من عليه اذا جنت خايفه هسع خفت اضعاف عودة عدوو صار لاهلي شلون بيه اذا استغلني حتى ياخذ ثارة انه لازم اتهرب منه باي طريقه
بس شلون وهو محاصرني ماكو مفر كلبي زادت دكاته احسة راح يطلع من القفص الصدري من شدت خوفي منه اتمنيت اتبخر من كدامه رجع همس وهو يرص على سنونه عيونه تشع بالعصبيه ..

عودة ..ماتحجين العتوي كله السانج ..

رديت عليه بخوف ..انت مالك شغل وروح عني ..

رجعت ليورة اتحضر للركضه بس هو انتبه عليه كبل جر ايدي قبض عليها بقوة ..انتي شاردة من اهلج مو والا وين اكو وحدة تطلع هيج وكت ..

..انت شعليييك ..

عودة .. سم لهالسااااااان ..

همست ..اي علي صوتك عليه خلي المايشتري يتفرج ترى وكفتك
وياي موحلوة مالك حق تلزم ايدي شيلها احسلك لا والله اصرخ والم الوادم عليك ..