سنابل طافيه

part 11

السلام عليكم..

رواية " سنابل طافيه "
البارت الحادي عشر

بـ قلم غفران آل حنيحن

🚫 حبايب فضلا وليس امرا لا تنسون التصويت ؏ البارت والتعليق بين الفقرات..
____________________________________

" علِقتُ مَا بينَ كِتمانٍ يُؤرّقُنِي، ‏وَبينَ قَلبٍ مِنَ
الخِذلانِ ينصَهِرُ "

علي ..لا امي ماتت من جابتني وعمه كالت العروس الجديدة راح تصير امك ..

فتحت عيوني يعني شنو الجوة مو مرته يعني مرته متوفيه بس انه مرته لا يربي مو هذا الردته انه كلت اخلق مشكله وي مرته واخلي يطلكني شلون هسه انه ماريد زواجي يتم من مختار اريد ارجع لاهلي ..

علي .. خاله جاي احاجيج ..

سحر ..ها حبيبي ..

قبل لا يحجي اجانه صوته ..علي انزل جوة جدك يريدك ..

علي ..صار بابا ..

وكفت بسرعه وعلي راح لعمي اول ماطلع توجه ع الباب سداه واجاني وكف بصفي دنكت راسي خفت من نضراته التتفحصني ..

لزمني من فكي اتمعن بوجهي ثواني وكال ..امممم اشو ماتشبهين اخوج العار ..

بلعت ريكي ..انه مالي علاقه بالسواه اخويه والله اصلا ماجنت ادري بي اصلا من اجيتونه يلا عرفت صد......

حط ايدة على شفايفي مسكتني .. كافي ماسألتج تدرين بطياح حظ اخوج سألتج ليش ماتشبيهينه ..

همست بخوف .. اي والله انه حبابه مو مثله ..

قهقه مضيك .. انتي ثولة لو مستثولة؟

رديت عليه متسائله ..وشنو الفرق يعني؟

مختار ..انه اكلج شنو الفرق الثولة من الله غبية وماتفتهمين والمستثولة انتي تثولين بروحج متعمدة ..

يحجيهن كلمه كلمه وعيونه تتجول بملامح وجهي ..
سحر ..بس انه مو ثنينهن ..

رفع احد حواجبه .. شلون بلا ؟

ضليت امتمت ماعرف شرد جر نفس وابتعد عني نطق بصوت خافت ..راح يجيبون الغدة للغرفه عالاساس نتغدة سوة ..

طفرت بسرعة بدون مانتبه لنفسي ..ليش ليش انت مو كلت راح اتغدة بالديوان يم الزلم ..

عگد حواجبه ماعاجبه كلامي وانه هم انتبهت لروحي شحجيت نزلت راسي ..

مختار .. اشو انتي ذابه ميانه عبالك تعرفيني صارلج سنين ..

سحر بخجل ..لا والله مو هيج بس اصلا انه استحي منك ..