سنابل طافيه

part 13

السلام عليكم..

رواية " سنابل طافيه "
البارت الثالث عشر

بـ قلم غفران آل حنيحن

🚫 لا تنسون التصويت حبايب فضلا وليس امرا والتعليق بين الفقرات..
___________________________________

" أيطولُ الهجرُ ؟ وابقى دون لِقاكْ ! "

صباح .. شايفين من الانسان يفقد اخر ذرة صبر عندة ؟! زين شايفين من تحسون فقدتوا السيطرة على اعصابكم هيج انه بوقتها فقدت كل طاقة صبر عندي احس انهارت اعصابي ماعرف وين انطي وجهي احساس بداخلي يگلي فقدتيه
بس مجاي اصدك  ياعالم كلبي ديأذيني روحي جاي تطلع
النفس من اتنفسه احسه جاي يخنكني وصلت مرحله اعجز بيها عن الكلام
اعجز اوصف حالتي الكم ومحد راح يحس بالي امر بي غير الي مروا بنفس الموقف ،،
انتضر خبر عنه ولو خبر صغير المهم عايش وبخير حتى وان كان بعيد عني يكفيني يبقى بخير وكامل صحته من رجع حارث اطفالي جنت كلي امل راجع ويا رغم اشوفهم وحدهم بس عيني على الباب بلكي يريدون يفاجئوني سألته بتردد بسبب كلامه قبل لا يروح بس خوفي على يوسف طغى على ترددي ..

صباح ..حارث اريد زوجي ليش لحد الان مالكيتوا ..

حارث .. يرجع لا تخافين الا مانلكاه قابل انشكت الكاع وبلعته انتي بس انطينه صبر ..

جان يحجي وهو داير وجهه عني احسه ماطايقني اعرف هو يفكر بسببي اخوه مختفي وحقه مالومه صح انه السبب بجيته لبغداد
بس هو من ذاته جابني قبل لا اني اطلب منه انسانيته ونقاء گلبه همه الي جابوه ماراد يعوف مرة طريحة الفراش وحدها بمحنتها ..

صباح .. لعد ليش لحد الان مالكيتوا يومين مختفي احس صاير ويا شي
لتگلي يم واحد من ربعه هو ماعندة ربع هنا ولنفرض صح يطمني ميخليني على عمه عيونه خايفة عليه هوايه گلبي ممطمأن ..

حارث ..هه خايفه عليه ؟!
انتي لو صدك تخافين عليه ماجبتي واجيتي جا خليتي بين اهله وناسه ماتعنيتي بي ليجاي يوسف اذا صارلة شي انتي السبب ..

كلامة جان لاذع وينتر نتر والمصيبه كل كلامة صح ،،
حطيت ايدي على وجهي وبجيت ..
قابل انه ادري بي حيختفي هيج واجيبه لتضلمني حارث والله مالي علاقه هو من ذاته جابني من سمع بخالتي مريضه
كلبه مطاوعه يعوفها وحدها والله العضيم لو اعرف هيج يصير جان اتعنيت وحدي وماخليته يخطي خطوة وحدة لهنا لا تأذيني بكلامك عفيه
البيه مكفيني اعرف يمكن صح كلامك بس شسوي يعني اكتل روحي وارتاح  والله هو الجابني وهو الكلي على حالة خالتي ..

استغفر بصوت واضح وهو يمسح على شعرة ..
هايهيه يبنت الحلال اعتبريني ما حجيت انه هم عگلي مو وياي وضال اشمر بحچيي امانة الله لايضل بگلبج عليه ..