سنابل طافيه

part 18

السلام عليكم..

رواية " سنابل طافيه "
البارت الثامن عشر

بـ قلم غفران آل حنيحن

🚫 لا تنسون التصويت ع البارت حبايب والتعليق
بين الفقرات..
_______________________________

" -‏الإكتفاء فـ لا يرهقك قرب ولا يؤلمك بعد "

ريماس ..
بعد صراعات تامة گدرت انام ساعة وحدة فقط لان عندي دوام من الاصل نمت الساعه 5 ونص وكعدت 6 ونص
نفس الروتين كل يوم اوصل داني واروح لمدرستي ومن احل امر اخذة ونرجع للبيت ماكو شي جديد ..

صرت افكر شلون نروح و نلتقي باهل ابويه وشلون حـ يكون استقبالهم النه هل يا ترا راح يتقبلونه بحياتهم زين اذا طردونه شلون اني ماگدر اجازف لازم عندي حل بديل اول شي فكرت بي الگة شغل واجمعلي مبلغ زين ضمان النا
بس شلون و بـ هاي الاوضاع منو الي يقبل يشغلني مالي غيرها هي تگدر تدبرلي شغل ولازم اقنعها بـ البدايه تخليني اشتغل يلا بعدين عود اقنعها تدورلي على شغل واني اعرف شلون اخليها توافق بس مو هسة اخليها من يرجع زوجها العار حتى اخذة حجه تخليني بيها اشتغل ..

خلصن هـ الكم يوم بين المدرسه والبيت ماكو شيء جديد غير اني مرتاحه وماخذة راحتي بدون خوف ..

بس الراحه متدوملي اعرفها مخاصمتني من يوم ولادتي اخاف ارتاحلي شويه طب ترگعني على وجهي ،، رجع و احس انكتم على صدري ماگدر اشوفه اشمأز منه واخاف بنفس الوقت كل ما دا المحه اتذكر شلون راد يعتدي عليه ،، جان حدة تحرشات سطحيه بس بذاك اليوم استغل خلوة البيت حتى ينتهك شرفي ..

رجعت اقفل الباب عليه واخلي الكومدينه وراه في حال گدر يفتحه طفله وجاي احافظ على شرفي بـ اي طريقه كانت
وامي الي المفروض تتسمى ام شافت كل شي بعينه وماخذة الوضع ريلاكس ..

من دا أسوي غدة لان امي عندها شغل ولو هي موجودة توصي على اكل متطبخ ..

ريماس ..داني ورا الغدة تطلع كتبك ادرسك كافي عاد اعرف بيك كبرت بس هم يحتاجلك متابعة ..

دانيال .. اهوو اني اعرف ادرس وحدي ميحتاج احد يتابعني ..

ريماس .. اي تعرف تدرس وحدك وماخذ صفر بالامتحان ..

رفع عيونه بـ تفاجئ .. انتي شلون عرفتي ..

ريماس ..ست عايدة تصير صديقة امي وهي الي گالتلها وبسببك امي رزلتني ..

دانيال ..شگد اضوج منها نفس امج حركاتها مو حلوة ..

وسعت عيوني .. شلون يعني حركاتها مو حلوة ..

دانيال ..مثل ما امج تسوي وي الولد الكبار هي تسوي ويانه ..

ريماس .. يعني شنو داني ليش هي امك شنو دا تسوي ..