شـتات قـدري

الحـلقـة ٢

شتـات قـدري
#فـاطـمـة_ألـقيسي
~~~~~~~~~~~~~~~~~~~~~~

ابقه اگل للروح لو جرحي انلچم
ياروحي اسكتي

عريان السيد خلف
______________________________

حيدر: رحيق يلا امشي

رحيق: مشيت بصعوبه واحس الدمعه بعيني راح تنزل ودخلت الغرفة وكعدت لحضات واجة حيدر وكال

حيدر: رحيق اني اسف لان مجاي اكدر اخذ حقچ وهم اهلي وانتي هم اهلي وابويا تعرفي زين

-حيدر تعرف ان انتة الوحيد الي ويايه وابويا حميد اعرف يكرهني وهذا الشيء ما اكدر اغيره لو شما يصير

-رحيق يلا خلي نسد الموضوع انتي باچر دوامچ صباحي لو ظهري

-دوامي باچر صباحي لان احد

-ماشي لعد حضري الجنطة مالتچ ونامي باچر وراچ دوام وعندچ امتحان هم يلا نامي

-شلت نفسي ورحت جبت جنطتي وحطيت بيها الكتب بس كتاب الرياضيات وكع ابيت مريم يلا باچر هيه اجيب اليه.

غطيت نفسي ونمت ماحسيت الصبح غير حيدر جاي يكعدني

-يلا رحيق كعدي صار ساعة اكعد بيچ ساعه ٧ يلا كومي

-هههه من سمعت ساعة بالـ ٧ كمزت من القريوله ورحت للحمام غسلت وجهي وفرشت سنوني لان اذا ما افرشهن حيدر يلكفني ويخليني افرش لان حيدر طبيب اسنان.

فرشت اسناني وطلعت لبست قميصي وصدريتي وحطيت مي بالجنطة وطلعت ويه حيدر.

حيدر: رحيق

-هاا

حيدر: عود من اطلعين لو تخابريني من تلفون المديره لو ترجعين وية مريم

-ماشي

-يلا نزلي

نزلت هو اشر الي 👋 وراح دخلت للمدرسة واستقبلتني مريم تركض.

مريم: ولچ رحيق شصار البارحه گلبي كام يوجعني عليچ كلت بس لا موتها صدك مرتين ابويا يدك على حيدر وكال له مصار شي.

رحيق: اي مصار شيء بس حسين كتلني هو ياسر ولو ما حيدر چان هسه بوادي السلام كبل يلا عادي تعودت

مريم: ولچ لهل درجه يمههه واني اكول ياسر امبين عليه حباب

رحيق: اي حباب حباب ولچ باسر ماعرف شنو شخصيته مره اشوفيه عصبي وبس يصيح ويذب گل حركته بيه ومرات تشوفيه يبتسم لا ارادي بدون سبب ويصير حباب ماعرف شنو وضعه بس اصدكين ما اخاف منه هلكد بكد ما اخاف من حسين لان ياسر مايضربني اذا مخايف عليه لان هو مثل حيدر بس شويه عنده العصبيه مال يسيطر عليها.

مريم: اي والله اني هم من اشوف حسين اخاف حتى من ابويا ما اخاف كثر ما اخاف من حسين يلا هسه كولي الي شلون وضعچ وعمه ابتيهال شلون تكول ما تعرف وينچ