شـتات قـدري

الحـلقـة ٢٨

شـتات قـدري

#فاطمة_ألقيسي.

خليك صوت وصدى وطاري وعذر ينكَال 💔💔

عريان السيد خلف....

____________________________

-جان اليوم كلشش طبيعي بس كلش خايفه بس عده على خير وبعدني خايفه على عامر البارحه حجيه هواي خوفني ياربي اتصلت عليه.

رسل: الو حبيبي وين انتة.

عامر: بالشغل حبيبتي فد شويه اطلع واسوي وحده ورجع اخابرج.

رسل: عامر والله خايفه عليك خلي احد ثاني يروح مكانك الا تروح انتة.

عامر: ماكدر رسل هذا شغلي وتعرفيه لا تخافين العار ما يموت.

رسل: لا تحجي هيج والله اموت قهر.

عامر: لا تخافين حبيبتي هي ربع ساعه وارجع للبيت لا تخافين يلا مع السلامه راح اروح اسويه وارجع اخابر.

-راح عامر وانه كلبي مقبوض ياربي الا يشتغل هذا الشغل اشغال العالم كلها طارت الا تفكيك اجيت عليه يا ربي صبرني وحفضه اليه خابرت زهراء.

زهراء: الو هااا رسوله حبيبتي.

رسل: هلا حبيبتي

زهراء: شبيج رسل.

رسل: والله ماعرف خايفه على عامر وگلبي مقبوض.

زهراء: اي والله انه هم من البارحه لحد الان كلبي مقبوض مادري شكو.

رسل: هم خابرج عامر.

زهراء: لا والله ما خابرني بس خابر طيبه والصبح ما اعرف شبي حالته مو طبيعيه كعد يم امي وحضنه وكال الها يمه ادعيلي وطلع حضن طيبه ومنى وانه وطلع راح للشغل.

رسل: ماعرف خايفه هواي عليه زهراء خايفه.

زهراء: كولي يالله ماكو شيء ان شاء الله ماكو شي.

رسل: يلا راح اروح انه اشوف خاف يخابر ويطلع مشغول.

زهراء: ماشي حبيبتي الله وياج لا تخافين.

-سديته وضليت افتر فاتت ساعه ساعتين وماكو اخابر محد يرد ياربي لا تختبرني بعامر ماعندي غيره وحبي الوحيد ياربي ادك وماكو خابرت عمه رقيه.

رسل: الو السلام عليكم شلونج عمه.

الحجية رقية: هلا حبيبه شلونج بخير انه.

رسل: الحمدلله عمه اسالج عامر ما خابرج صار ساعتين من خابرني وكال بس ربع ساعه ورجع اخابرج وادك عليه مايرد.

الحجية رقية: والله يمه ما ادري بس طيبة خابرها ماعرف شحجيه وياها وسمعتها تكول اله جاي تصلي وبعد ما خابر قبل ساعه يمكن ساعه ونص ما اذكر.

رسل: عمه راح اجي فد شويه يمج.

الحجية رقية: هلا بيج حبيبه.