شـتات قـدري

الحـلقـة ٢٤

شـتات قـدري..

#فاطمة_ألقيسي

صحينه وهز كلبنه الضيم
وأسمك جان عامينه

عريان  السيد خلف

____________________________

بـعـد مـرور ثـلاث سـنوات!........

-مرت السنوات وهسه اني كدامكم رحيق الي صارت اقوه من قبل بحب الكل الي وياها مضت ٣ سنوات بيها اشياء حلوه بس مو هوايه احجيلكم عليها وحده وحده ماشي.

رحيق: يلا عمه راح اروح للكليه مع السلامه.

ابتيهال: الله ومحمد وعلي وياج حبيبتي ويحميج من كل شر.

-طلعت من البيت حيدر كاعد بالسياره ينتضرني حتى يوصلني للكليه اي صحيح اني انقبلت كليه تربيه عربي لان معدلي بالسادس جان كلشش زينه واني وزينب انقبلنا نفس القسم.

-ومن نجحت من الثالث رحت ادبي اني وزينب لان حسينا نفسنا احسن بالمواد الادبيه اكثر من العلميه اما عن مريم راحت علمي ونقبلت كليه صيدله وهذا حلمها جان

وهم بخصوص موضوعها هي وياسر هم هسه هم خاطبين الحمد لله.

-ياسر رجع تقدم لمريم بنهايه السادس قبل لا تطلع القبولات هلمره اهل مريم وافقوا وجانت فرحتنا كلشش جبيره واخيرا ياسر ومريم راح يصيرون سوه.

-وبالنسبه اليه اني وزياد علاقتنا كلش حلوه واحد يحب الثاني ولحد الان يجون لبيتنا ونروح الهم وبكل فرصه تسمح النا نطلع اني وياه وشعوري كلشش حلو واني وياه احس نفسي املك الدنيا وما بيها.

حيدر: وين سرحتي اختنا العزيزه وصلنا يلا انزلي وديري بالج على نفسج.

رحيق: الله وياك مع السلامه.

-اخذتني الذكريات وما انتبهت على الطريق لما وصلنا ونزلت لكيت زينب واصله قبلي وكاعده بالكافتيريا جاي تشرب چاي وتقرا وما منتبه لاي احد من الموجودين.

رحيق: صباح الخير زنوبه.

جرت نفس بقوه.

زينب: صباح النور.

رحيق: شوكت تبده المحاضره.

زينب: فد شويه يلا كومي لما نمشي ونوصل تبده.

-مشينا للقاعه وصدك لما وصلنا ودخلنا دخل الاستاذ ورانا وبدت المحاضره وجنت كلش مركزه وسالني وجاوبته وناقشته هم وجان مصدوم من اغلب اجوبتي بس جانت المحاضره كلشش طويله لما خلصت طلعنا جان يدك تلفوني باسم "حبيبي وروحي"

رحيق: الو هلاو حبيبي

زياد: هلا حبيبتي شلونج

رحيق: زينه وانتة

زياد: زين اكلج اني قريب على الكليه راح اجي اخذج ونروح لمطعم شتكولين.

رحيق: لا وين نروح عندي محاضره وبعد ساعتين يجي عليه حيدر.