شـتات قـدري

الحـلقـة ٣١

شـتات قـدري.......

فاطمه ألقيسي..........

اثـاري انتَ سفــــر دنيا  وحلـــم
مبيوگ مر صدفه وخلص وكته

لـ عريان السيد خلف

ـــــــــــــــــــــــــــــــــــــــــــــــــــــــــــــــ

رحيق.......

-هاي سيتي غير حيوانه كمزت على الرجال يبووو وين صرت اني وشسويت اني كله من وراج سيتي شسويتي يعني هاي بس يمي زياد تنبحين عليه وهذا الزلمه تلحسين بي.

رحيق: احجي سيتي ليش سويتي هيج.

-هووو هووو

رحيق: هم صح

-هووو هووو هووو

رحيق: اويي عليمن اجذب على نفسي والله كلشي ما افتهم منج هاي اني تاليتي اكعد واكبلج واحجي وياج واني كلشيء ما افتهم منج غير بس هوو هووو شلون يربي هسه صرت بنص هدومي من وراج لا وفوكاها هواي تقربت من الرجال.

-لحضات واشوف ياسر دخل لل مطبخ

ياسر: هاا رحوق شبيج شو تفكرين بصوت عالي صوتج واصل للصاله.

رحيق: شنو ااا اني لا لا متوهم انته اصلا اني جاي احجي ويه سيتي مو سيتي.

ياسر: يمعوده انتي راح تتخبلين بيوم من وراها لهاي الجلبه وراح نوديج لمستشفى المجانين يا يوم ما حجيت وكلتي سيتي وسيتي.

رحيق: ايي غير بس هي هنا اني ويامن احجي لعد لو اضل هيج بس صافنه عل حايط.

ياسر: مريم مو موجوده احجي وياه ولج راح تتخبلين من وره هاي الله يطيح حضك حيدر عود جبت الها جلب حتى يونسها ويخليها عاقله وصار العكس جبت الها جلب حتى يخبلها.

رحيق: هو انته محاط عينك غير بس عليها لو اعرف شعدك وياها وتغار منها.

ياسر: سكتي عمي انه اغار من جلبه دروحي بابا روحي هسه دوختيني بالجلب ونسيت الجماعه طلعي الكيك الي بالفريز و رتبي وجيبي العصير ودكي الباب اني اخذهن وروحي بعد.

رحيق: تمام.

-طلع ياسر واني رتبت كلشيء بصينيه وطلعت من المطبخ ورحت واني اسمع صوت ضحكهم شكد عالي يالله شنو حاطين مايكروفون بحلكهم اوي شكد مزعجين شعليه اني دكيت الباب وفتحها ياسر واخذ الصينيه والباب جانت شويه مفتوحه وجان كبالي اخو زهراء كاعد ومبتسم ابتسامه عريضه خاليه من المجامله كأنو طالعه من كلبه وضليت صافنه بي وما انتبهت الا ياسر باوع عليه وفزيت ورحت اركض للمطبخ.

-رحت للمطبخ وكعدت على الكرسي وتلفوني جان بصفي وشفت جايتني رساله.

💬: حبيت اكلج احسن شيء سويتي ما اجيتي لعرسي لان مو مال اتعارك بنص عرسي علمود حثاله مثلج ههههههههه.