شـتات قـدري
#فـاطـمـة_ألـقـيسي
يَخايب الدنيا كلها تگودني
وأستاحش ايدك ..
____________________________
(احداث الحلقه حقيقيه 100% وعلى لسان البطله)
بعد مرور شهرين...
-مرت فتره وبده العلاج مال ايدي تحسنت صرت اكدر احرك كم اصبع بس بصعوبه وچان عندي الم فضيع الدكتور كال مع الوقت ترجع طبيعي بهذا الوقت حسين بعد ما شتكيت عليه انحكم سبع سنوات وبعد ما سمعنه عنه اي شيء غير اسراء رايحتله مره وحده وحيدر راح هو عمه ابتيهال وبعد ما راحو خلال هاي الفتره واني قوت علاقتي ابيت عمي قادر لان صار يجونه هواية بس مجنت مستغربه الوضع من يجون ياسر ما يحب يبقى يمهم ويطلع وحيدر كذالك يبقى بالعياده بس اني وعمه ابتيهال وعمي حميد بلبيت وزادت الاتصالات بيني وبين زياد وكمت احجي وياه بشكل شبه يومي واعتبره صديق اشكيله همي ونضحك ونتراسل سوه اغلب الوقت.
-بهذا الوقت بقه على امتحاناتي شهر اني چنت مخلصه كم ماده الصعبات ومخليه السهلات بالاخير بديت اقرا اني ومريم وزينب تجي مرات مو كل مره تجي دائما جنه نقره ومريم اغلب الوقت چانت ضايجه بس تريد تخلص من الثالث وتنجح.
اني وزينب بدينا نقرا وصحيح احنا شاطرات بس ردنا ادبي مع انو كتلها لزينب.
رحيق: زينب انتي مستواج كلشش زين بالمواد العلميه ليش تجين ادبي حرامات حرامات روحي علمي.
زينب: باعي رحيق اني ما بيه حيل بعد اقرا اروح ادبي والسلام شيطلع خلي يطلع محاميه مدرسا اي شيء المهم انجح واخلص وهاهيه
رحيق: بكيفچ بعد مريم راح تروح علمي لان حلمها صيدله.
زينب: واني شعليه بيها خلي تروح وين متروح شدخلني بيها اني.
رحيق: شبيج وياها ترا ما مسويتلج شيء البنيه شبيج انهديتي.
زينب: مادري شو ما احبها وما ابلعها وهاي كدامچ مو لان هي صديقتچ لا جاي احجيلج شعوري تجاه ماحبها.
رحيق: شعور متبادل بيناتچن.
زينب: اهاا يعني نفس الي احسه تجاها
رحيق: يب بالضبط نفس الشعور.
زينب: شعليه بيها يا رحيق كوه تحجيني.
رحيق: واني شعليه عشتو يلا اقري اقري بلا سوالف دقيقه خلي اجيب شيء ناكله او نشربه واحنا نقره اهم شيء الاكل.
-نزلت جوه على كيف لان دنيا الظهر ونايمين عدهم عاده الظهر ينامون اما حيدر اكثر الوقت بالعياده رحت للمطبخ جبت كيكه من الي سويتها البارحه وطلعو كم برتقاله وسويتهم عصير عصرتهم وحطيتهم بالسراحيه(دولكه) وصعدتهم فوك الكيكه وحد والعصير وحد لان ماكدر اشيل حطيتهم على الميز بالغرفه وسديت الباب وكعدنا ناكل ونراجع كمنا منحس بالوقت من كثر ما نقره دك تلفون زينب وردت.
أنت تقرأ
شـتات قـدري
Romanceقصة حقيقية تتحدث عن فتاه يتيمه تتربا في بيت عمها وتعاني من الكره والحقد لدى عمها وابن عمها للتعرض للضرب والعنف اكثر من مره من ابن عمها وزوجته لاسباب تافهه ومن خذلان امالها في الحياه وصلت الى الموت اخر مره والذين معها اولاد عمها الاخرين الذين دائما ي...
