شـتات قـدري

الحـلقـة ١٩

شـتات قـدري

#فـاطـمـة_ألـقـيسي

اصبر راح اشوفك غيضه الفلاح
من يلكه الزرعهن غيره حاصدهن

عريان السيد خلف

ـــــــــــــــــــــــــــــــــــــــــــــــــــــــــــــــ

-اعرفكم عني تعرفون انه اسمي علي وساكن محافظة بغداد عمري ٢٧ سنة حاليا ضابط دقيق جدا بشغلي وجدي اصله من الجنوب بس ابويا اخذنا وسكنا بغداد شكلي انسان عادي وراشد واكره النوع ذني البنات الي يذبن نفسهن على الواحد كوه كلشش اتنرفز اكره شيء اسمه لغوه زايده وبعد تعرفون الباقي.....

-رحت وصعدت لغرفتي ضايج هواي واحس اريد اكسر شكو شيء بلغرفه لدرجه ضربت ايدي بلمرايه مال الكنتور وتفلشت وكعدت على الچرباية واحجي ويه روحي وراسي موتني صاير طبل من العصبية هذا كرار شوكت يصحه على زمانه ويبطل المكسرات مالته وانوب يحجي على البنيه كدامي حجي ماصخ كل الي شفته انه من البنيه صحيح حلوه بس مبينه مؤدبه وخلوقه حسيتها كوه تحجي وتستحي فا اصلا ما باوعت بوجها حتى لا ترتبك نزلت راسي ما اكول غير ربي يحفضها ويستر عليها.

...............................

رحيق......

-كاعده اقرا وعمه ابتيهال صاحتني وكالت.

رحيق: ها عمه اجيت بس لحضه.

ابتيهال: رحيق اذا تكدرين تجيبيلي ذاك الجدر مناك ماكدر ادنج ظهري يوجعني.

رحيق: اي سهله لحضه وهو يمج.

-دنجت وجبت الها الجدر ونطيته الها وكالت يلا روحي واقري.

-اخذت مي ورحت اقرا مشى الوقت صارت الساعه ب ١١ ونص ودخل حيدر وسلم.

حيدر: السلام عليكم

رحيق: وعليكم السلام من وكت اليوم اجيت.

حيدر: اي والله تعبت واجيت اخ.

رحيق: الله يساعدك روح ارتاح لما اجيب لك مي.

-رحت جبت مي ما احس غير والكلاس وكع من ايدي وتكسر صار قطع متجمعه  بلكاع اباع الكاع صارت كلها كزاز واني ايدي ترجف على صوت الوكع اجه حيدر بسرعه  بعده مصاعد لفوك اجه يركض.

حيدر: هاا الله الله شوكع.

-صارت عندي الكلمات تطلع كوه مني وكلت.

رحيق: وو كعع اا ل ل كلاصص م مال المي

حيدر: ديلا يلا مصار شيء وخري خلي اشيل الكزاز على كيفج لا اطب الكزاز برجلج.

-وخرني حيدر على صفحه وجاب وصله وماسحه وشال الكزاز وذبه واجا عليه وكال الي.

حيدر: رحوقه حبيبتي شبيج هسه واذا وكع الكلاص مو مهم ماشيء لا ديرن بال كافي ترجفين.