شـتات قـدري

الحـلقـة ١٤

شتات قدري

#فـاطـمـة_ألـقيسي

اخذني
الشيب وانه بواهس العشرين
والتمن عليه الما محسبلهن
غربه وعوز والدنيا وحجي الشمات
هيه شعايزه وفركاك جملهن!

ـــــــــــــــــــــــــــــــــــــــــــــــــــــــــــــــ

حميد: مو شيء چبير موو لو ما جدك خله وصيه اذا ما اخذها يمي انحرم من الورث جان هسه هيه بشوارع ولا اهتم بس جدك حط شرط لازم اربيها وفوكاها حط الها ورث ابوها جان لازم ابويا لو يفتهم يقسمه علينا مو كله يحطه الها وهيه اصلا ما محتاجه شيء منه.

حيدر: لا يابه جدي يفتهم لان هو مال ابوها بأي حق يقسمه عليكم هذا اذا هيه ماموجوده اصلا يقسمه بس هيه بنته وحقهاا حصت ابوها اله وجدي لو ما سجله بأسمها وقسمه مثل متكول جان هيه هسه مشموره بالشارع ومحد يدري بحالها وشيصير بيها.

حميد: والله وكت ابني من لحمي ودمي يدافع لوحده اخذت حقنا.

حيدر: لا يابه غلطان مخذت شيء منك هيه اخذت حقها وبس مو حقنا كافي يابه مكافي دمرتوها للبنيه كافييي حتى غده ماريد اتسممت ترا وصلت لهنا واشر على خشمه كافي رايح للعياده.

حميد: روح سم ان شاء الله عساك ما اكلت وليي من وجهي طاح حضك عساني ما شفت وجهك.

-طلعت من المطبخ ورحت صعدت فوك على رحيق اسمع صوت بالغرفه مالتها جاي تبچي دخلت بسرعه.

حيدر: رحيق شبيچ؟

رحيق: جاي اكل وحاولت الزم الخاشوكه بيدي اليمنه ووكع كل الاكل مني.

حيدر: على هاي تبچين ام دميعه عبالي جاي تبچين لان ابويا كلچ لا تكعدين كدامي الله يالله.

رحيق: لا مو مهم اصلا عادي اكلت؟

حيدر: لا والله ما اكلت هو ابويا يخلي واحد ياكل.

رحيق: شو تعال

-جان تحط بحلكي خاشوكه كله تمن شويه واختنك وهيه تضحك عليه.

حيدر: هاا ولچ شو تضحكين مو ردتي تخنكيني بالتمن.

رحيق: هههههه شكلك يضحك من تاكل هاك تعال اكل اني شبعت جايبه نص الجدريه ويايه اكل راح اروح اغسل واجي.

حيدر: روحي روحي جايبه نص الجدريه ومتاكل.

-عفته ياكل ورحت للحمام شفت عمه ابتيهال تطلع منه وكالت.

ابتيهال: لا تشيلين بكلبچ منه انتي تعرفي من زمان واني ما اكدر عليه تعرفيه عصبي وما اكدر احجي كلمه وياه اكلتي زين انتي.

رحيق: لا عادي عمه تعودت ماكو مشكله وانتي هم متكدرين تحجين وياه. اي اكلت واجيت اغسل بس خطيه حيدر ما اكل وكاعد ياكل بغرفتي.