شـتات قـدري

الحـلقـة ١٦

شتات قدري

#فـاطـمـة_ألـقـيسي

تـركض والفرح يجزيك
توگف حزنك يتانيك .

ـــــــــــــــــــــــــــــــــــــــــــــــــــــــــــــــ

-رحت وبعده واكف بلباب ومدنج راسه والجكاره بيده ويطلع دخان اتقدبت منه وكتله تفضل ذب الجكاره بلكاع وكال شكرا ودليته على الاستقبال وطب واني صعدت فوك كعدت بغرفتي افتر شسوي وضل ابالي هذا الولد الي فتحت اله الباب اول مره شفت اجه هو وياه ولد بس ذاك ضل يذب حجي وينطي ميانه زايده عباله راح انطي مجال بس هو ميحجي من اجوي دنك وما باوع عليه عكس ذاك واني ضليت اباوع عليه طويل وضخم وعضلات وبشرته سمره ملامحه حلوه هو شعره مرتب ولحيت مزينه بس شواربه معدلهن صايرات مرتبات وحلوات اوويي واني شعليه بي الله يحفظه رحيق لا تحطين عينچ على الولد لا يصير بي شيء هههههه.

........................

ياسر....

-شويه واسمع صوت باب الاستقبال تنفتح اشوف علي طب.

ياسر: هاي شوكت اجيت مسمعت صوت الباب؟

علي: فتحتلي الباب اختك ودخلت

كرار: هااا هاي شكو ياسر شنو متفق عليه اشو علي هنا شسالفه يمعود؟

ياسر: لا بس خابرته يجي ياخذ الفاره مالتهم ويروح لبيتهم.

كرار: خلف الله عليك اني فار.

علي: وانتة ولك يلا امشي ويايه للبيت

كرار: لا ماروح اريد ابقى يم ياسر

ياسر: لا خويه روح روح ما استقبل بلبيت لان عدنا حريم هنا ما استقبلك.

كرار: هسه واذا هو راح ابقى هنا.

ياسر: اعرف بشنو تفكر بس اطلع ويه اخوك احسن ما اطلعك اني بطريقتي وتعرف شسوي.

علي: يلا ولك امشي الحجي ينتضرك بلبيت وغمز اله.

كرار: لا هاهيه مادام علي غمز معناتها اني رحت بيها امشي خويه امشي.

-كعدو شويه سولفنا وسلمو وطلعوا سديت الباب ورجعت جوه لكيت رحيق جتي تنزل من الدرچ سريع صحت بيها.

ياسر: رحيققق لا توكعينن

رحيق: لا لا تخاف ما اوكع هاا راحوو؟

ياسر: اي راحوو اني راح اروح لغرفتي ماشي

رحيق: ماشيء

-صعدت لغرفتي وكعدت اكلب بالتلفون طخ ابالي اخابر مريم بس كلت لا على شنو اخابرها ضليت افتر يمنه ويسره ماعرف شسوي نزلت جوه مره ثانيه رحيق كاعده هي وامي يشوفن تلفزيون وحيدر هسه دخل للبيت جان بالعياده

حيدر: السلام عليكم

ردينا كلنا: وعليكم السلام

ابتيهال: هاا يمهه شلونك شلون شغلك خما متعبك؟.