شـتات قـدري

الحلقـة ١٠

شـتـات قـدري

#فـاطـمـة_ ألـقيسي

وَأظلن
سَاعه أواسي الروح
ساعه اشتاگ ساعه أعذِل .

____________________________

-كعدت الصبح على صوت الباب وكلت ادخل

ياسر: رحيق كعدتي ترا مريم اجتي عليچ هسه

رحيق: اي والله نسيت راح تجي زين اجيت كعدتني ماشيء جايه لحضه

-لزمت السرير بيدي اليمنه ومكدرت محسيت بي ووكعت على الكاع چان ياسر بعده يريد يطلع وشافني وكعت ركض عليه وشالني وكال

ياسر: رحيق غير تكولين اريد اكوم حتى اني راحت من بالي اكومچ تعاي كعدي.

-كعدني على السرير مره ثانيه واني احس روحي وحده يشفقون عليها.

رحيق: بس حاولت اكوم اريد بس اتعالج

ياسر: اي ادري بس مو هسه خلي يعدي هل كم يوم حتى نبده بعلاج ايدچ تعالي خلي انزلچ جوه.

-سحب الكرسي وحطني عليه وطلعني من الغرفة ونزلنا لكيت مريم كاعده وجيبه الكتب والدفاتر وياه وداني ياسر كعدني يمها.

مريم: هااا خما چنتي نايمه؟ ترا الساعه راح اصير بالـ ١١.

رحيق: اي والله چنت نايمه زين اجيتي جان اخذتي النومه للـ ١٢.

مريم: يلا تعاي ابيش تردين نبدا؟

رحيق: خلي نبده بالجغرافيه وبعدها تاريخ لان احبهن

مريم: اوع شلون تحبيهن كلشيء ما افتهم منهن اكثر شيء الجغرافية كال السهل الرسوبي وحجه نهر دجله هسه اني شعليه شكد طوله نهر الفرات لو التضاريس وين اجتي انچبي خلي نقرا فيزيا احسن نضبطه شويه.

رحيق: ولچ ترا يجنن من تعرفين عن الانهار والاشجار وين واشياء حلوه ترا ومو ممله مثل الفيزيا.

مريم: اني صح اكره الفيزياء بس ارحم من الجغرافية على الاقل الفيزيا افتهم القوانين واطبقهن واخذ درجه الجغرافية تعالي احفضي واني وين بيه اوي شنهيي هاي ترا مضيعه للوكت.

رحيق: ضلي ضلي متعجبج عادي اني احبها وتعجبني هذا المهم.

مريم: مكتيلي راح تروحين علمي لو ادبي من ننجح ان شاء الله؟

رحيق: بالنسبه اليه مقرره اروح ادبي من زمان بعدني شتردين.

مريم: شنوووه عيني تروحين ادبي واني اروح علمي وكل وحده بجهه لا عيني تجين وياي علمي قابل اضل وحدي افتر.

رحيق: مريم اني ماريد علمي واروح ادبي واريد اصير لو محامية لو مدرسا واذا تفترين ترا نفس المدرسه احنا

مريم: شلون هاي يربي واني اريد صيدله

رحيق: هاهيه معليچ بيه لعد وترا بيتكم بصفنه ما نفترق تلكيني يوميه طافره يمكم ههه.