شـتات قـدري

الحـلقـة ٦

شتـات قـدري

#فـاطـمـة_ألـقيسي

تطشرني و أرد التم
وترد وتگلي لا تغتاض
جرح الكلمة مابي دم

____________________________

-بهذا اليوم فرحت هواي لان اول مره يحجي وياية هواي فرحت دخلت للبيت وشفت امي وكالت

رؤى: هااا يمه شفتي رحيق اشلونها ضل بالي عليها من كتيلي خما بيها شيء لو متأذيه؟

مريم: كولي شنو الي مصاير بيها هل مسكينه.

رؤى: خير ياستار شبيها؟

مريم: يمه ماتدرين شصاير بيها واني انصدمت من شفتها والله حظها ابد ماراح يصير زين يمه صاير عدها ارتجاج بالمخ وعلى اثرها ايدها اليمنة انشلت بس كال ياسر شلل نصفي وفقدات ذكرتها من صار الي صار وبالصدفه من رحت صعدنا اني وياسر حتى نشوفها لكينها فاقده بالكاع وخشمها يكله دم يمهه لو اشوفيها بس ومن كعدت ضلت تصيح يمهه ويابههه ليش عفتوني لما جا حيدر بطلت تصرخ كامت بس تبچي يمهه.

رؤى: سوده عليه هاي البنيه الطيبه هيچ يصير بيها لو ما اعرف امها ليلى وجانت جوارينا قبل لا اتزوج ابوچ فلا احجي امها الله يرحمها دره مال الله شايله طيبه وجمال وهدوء وهاي المگروده رحيق طالعه عليها سوده عليه وچ ليلى شوفي بتچ وين صارت صارت بالرجلين خلف الله على هل ولد ياسر وحيدر يحبوها چان هسه هيه بالنار ومحد وياه غير ذوله الولد الله يحفضهم.

-دمعت من سمعت امي وامي دائما من تذكر عمه ليلى الله يرحمها تبچي لان چانن صديقات ولو اشوفها لرحيق شلون صاير سكتت امي وراحت لغرفتها وقبل لا تروح كالت الي.

رؤى: مريم هاي لبنية امانت ليلى ضلي بظهرها سنديها لا تعوفيها وباچر خلي نروح لبيتهم نشوفها لان من اشوفها اتذكر ليلى.

-سكتت وراحت لغرفتها واني هم رحت وكعدت على السرير واني افكر برحيق وبچيت على حالها وهيه دائما تحجيلي على حسين شلون يضربها عبالك هي مو بت عمه لو اسراء الي مسويتها خدامه وهيه اربع وعشرين ساعه كاعده بغرفتها بس تلبس وتحط مكياج ومن يجي حسين تكله رحيق ابد ما شتغلت واني كله شتغلته وتعبت وهيه بس كاعده وهو يجي يكتلها لرحيق مره كتلها لرحيق اتذكر بالسادس ابتدائي اجتي وجهاا مورم ويديها زركه وتوجعها وبالفرصه كعدت تبچي وحجت النا اني وزينب من شده الموقف ما كدرنا نلزم نفسنا كدامها وبچينا واحنا طلاب ابتدائيه صغار نبچي على اي شيء من رجعت للبيت حجيت لـ امي هيه شالت روحها وراحت تعاركت ويه حسين ما انسى هذا اليوم نهائي وهو بكل بردو يرد يكول اريد اربيها وامي تكول اله هيه مناقصه تربيه والي صدمنا ضربها كدامنا وهيه بس تعيط طفله صغيره لما اجا حيدر وضربه لحسين وبالاخير اجا عمي حميد وبصوت كال كل واحد لغرفته ما اسمع صوتكم واحنا طلعنا امي ضغطها ارتفع لان امي هواي تحب رحيق على حب امها اوفففف يربي شوكت ترتاح هاي لبنيه رجعت للموقف مال قبل لا اوصل للبيت من ياسر سالني عن حالي وامتحاناتي الله شكله مهتم لا ومهتم كلشسش من كال اذا عندچ احد براسچ اكيد قصده تحبين احد كتلهه لا حتى لا يفهمني غلط واني ما حبيت بحياتي غيره اوفف هسه تكولون صغيره يلا المهم اني احبه وهذا كافي خلي اكوم اقرا لان ورايه امتحانات.