«شـتـات قـدري»
ـــــــــــــــــــــــــــــــــــــــــــــــــــــــــــــــ
#الكاتبـة فاطـمة ألـقيسي
-بعمري كله ماچنت متوقعه ان هذا اليوم راح يجي واكشفك على حقيقتك ليش سويت بيه هيچ يعني على الاقل كول هاي بنت عمي الي فتحت عيونها على حبك وانتَه عمرك ما حبيتها ودائما تكول الها ان انتة تحبها وهي مصدكه يعني شنو ليش ويه منو ويه اقرب صديقه اليه ليش؟
-ارجوچ اسمعيني لحضه صحيح الي سويته على حساب مصلحتي بس صدڪيني اني اعتبرچ مجرد بنت عمي او اخت لان اني احبها لـ زينب واني تقربت منها لان انتي اقرب صديقه الها صحيح كسرتچ واعرف انتي ما تستاهليني واني اصلا جنت اشوفچ مثل اختي كوثر اني ماحبيتك انتي تعلقتي بيه سامحيني بس احبها ماحبچ انتي.
-ضحكت بدموعي اختك ههههه يعني الـ ثلاث سنوات چنت اختك موو والغزل والحب والطلعات وهي تروح ويانه واني اجبرها تروح ويايه ماروح وياك وحدنا واثاري اني الي خليتكم تنجمعون اني الغلطانه اني دائما محد هيچ ما بقى ويايه احد هههه شوف شصار وبالاخير طلعت اختك ومصلحتك على حساب تعاستي واني من عمري 15 سنه احبك وانتَ هم كل مره تكلي اي احبچ طلع كله كذب بس شوف يا زياد عمري مراح اسامحك ولو تجي تبوس ايدي ما اسامحك كلبي نكسر كلش هواي منك حسبي الله ونعم الوكيل عليك
-اعرف عمرچ مراح تسامحيني بس اتمنى ما تأثرين على علاقتي اني وزينب واصلا من يريد يبقى وياج حتى اهلچ ههههه على اساس همه شلون اهلچ يلا مع السلامه وعلى فكره منو يفكر يحب واحده مثلچ
-كال هذا الكلام ومشى يضحك يعني اني لـ هل درجة هو مطايقني واني مو مهم لحد لهاي الدرجه ومحد يفكر يحبني ليش يعني زينب بشنو احسن مني واحنا صديقات من الابتدائيه واحسها هي هم صار فتره ما اطيق تحجي وياية اني شسويت حتى يصير بيه هيج حتى اهلي محد ولا واحد مهتم اذا اصلا عايشه اكلت او شربت اصلا يا مرحله دراسه وصلت كل همهم شلون يسون الي حرب نفسية واحسهم مايطيقوني واني جاي يعذبوني بكلامهم الجارح الي وچنت على الاقل افضفض لـ زينب وتسمعي وهسه منو بقى ويايه يسمعني واشكيله همي ومنو بقى وياية غير بس اخوية حيدر وگلبه عليه والي الوحيد احسه يحبني ودائماً اي شيء اطلبه يسوي اليه واخوني الباقين يستهزون بيه وليش لان اني البنيه الوحيد حتى ابويا اذا معتبرني بنته وهو اصلا اذا شافني يگلب وجهه عبالك شايف عدوة تدرون من اشوفه يضحك ويشاقه ويه مرت اخويا الچبير احسه يضحك من كل كلبه عبالك هي بنتة مو اني والله احس بقهر وابچي دائما لو مرت اخويا الي مشغلتني خدامة اله وامي تشوفها تصيح عليه وما تحجي شيء حتى ما سلمت من اخويا حسين على اتفه الاسباب يضربني عبالك كاتله ابوه ولا عبالك اني اخته زين شنو السبب شنو ذنبي؟.
ــــــــــــــــــــــــــــــــــــــــــــــــــــــــــــــــ
راح تتعرفون على شخصيه البطله بس تبده القصه وطبعا راح تعرفون شلون عاشت وشلون استمرت لحد الان ان شاءا لله راح انزل الكم الحلقه الاولى بعد ما اخلص امتحانات.
الكاتبة فاطمة القيسي
«شـتـات قـدري»
أنت تقرأ
شـتات قـدري
Romanceقصة حقيقية تتحدث عن فتاه يتيمه تتربا في بيت عمها وتعاني من الكره والحقد لدى عمها وابن عمها للتعرض للضرب والعنف اكثر من مره من ابن عمها وزوجته لاسباب تافهه ومن خذلان امالها في الحياه وصلت الى الموت اخر مره والذين معها اولاد عمها الاخرين الذين دائما ي...
