شـتات قـدري

الحـلقـة ٢٠

شـتـات قـدري

#فاطمه_ألقيسي

فراگك بين بوجهي فطر بخدود المرايه...

ـــــــــــــــــــــــــــــــــــــــــــــــــــــــــــــــ

-خلصنا عشه ورحت سويت الهم  چاي وصبيته ووديته الهم بس اني ما اخذت لان ما احب اشرب چاي بس الصبح جان يحجي عمي قادر وكال.

قادر: يلا خلنه نروح للبيت نترخص منكم.

حميد: لا و الله ما تروحون اليوم تباتون يمنا اليوم  و باجر جمعه ما عدكم شيء ابقوا.

قادر: لا خويه لا لازم نروح.

حميد: لا وروح ابويا ما تروحون دنيا ليل ساعه ب٨ ونص وين تروحون عود باجر الصبح روحوا حتى و لا تكعدونا روحوا بس اليوم تباتون ماكو ابد ما تروحون.

-جر نفس عمي وكال ماشيء وسكتت وكعدنا شويه و راح ياسر وجاب النا كرزات وكعدنا ناكل ونباوع على التلفزيون صار ب٩ اني ترخصت منهم ورحت اقرا رحت كعدت بالاستقبال وهما بالصاله بس شويه اصواتهم عاليه من يحجون ضوجوني هواي الصراحه.

-حطيت كتبي والاوراق بالكاع وكعدت اقرا فجاه!

جان تنفتحت الباب ويدخل ياسر ويكول

ياسر: ها رحوق تحتاجين مساعده؟ منا منا اي شيء؟ 

رحيق:  لا  خويه ما احتاج  واني ادري بيك مليت منهم  واجيت هنا لان ما تحبهم صحيح كلامي.

ياسر: هاي اختي الي تعرفني  كلبها عليه وتدري بيه  خب اضل مكابلهم وكاعد وهاي كوثر بس تبحلق بيه والابتسامه شاكه حلكها ترخصت وجيت يمج ولج شويه وتجي تكعد يمي لو ما العيب اني شسويت اترخصت منهم  وجيت هنا يمج احسن.

رحيق: اوي هاي شبيها من يمي بس تخوزر بيه ويمك بس تتبسم شكو اشايفه بيك واصلا اني احلى منك.

ياسر: اولا اني احلى منج وثانيه ماعرف والله شبيها  يمكن مخبله وطاكه الفيوزات عدها لو هيه من الاصل ما تحبج.

رحيق: و عنها ما حبتني و  شسويلها خلي تضرب راسها بالحايط ولا اهتم عشتوو.

ياسر: دعوفيها خل تولي جنها سعلوه.

رحيق: سمعت شصار موو

ياسر: شصار؟

رحيق: جيتهم طلع وراها شيء مو خاليه.

ياسر: المهم شنو؟ شكو

رحيق: عمه غيداء اجتي بنفسها خطبتني تصدك؟

ياسر: شنوه؟ المن خطبتچ المن؟

رحيق: ليش اكو غيره يعني زياد

ياسر: وانتي شلون رائيج بهذا الخريط الي سمعته؟

رحيق: والله اني جاوبتها وكتلها ما موافقه وهاهيه عاد المره سكتت وما حجت شيء.