شـتات قـدري

الحـلقـة ١٣

شـتـات قـدري

#فـاطـمـة_ألـقيسي

أخافن حتى من روحي أنه بليّاك♡

ـــــــــــــــــــــــــــــــــــــــــــــــــــــــــــــــــ

-دخلت وكعدت على السرير وكالت

رؤى: اني چنت ادري من اجيتي عليه البارحه وسالتيني اذا اقبل تزوجين شكيت ليش تسالين هيج اثاري تدرين راح يجون يخطبوج موو جاوبي.

مريم: ااا مو اي ااا ادري رحيق بليل خابرتني وكالت راح يجون.

رؤى: وليش ما كلتي؟ حتى على الاقل نحضر روحنا

مريم: مو كلت خاف ما تقبلين وتصيرن عصبيه.

رؤى: لا ليش اصير عصبيه الي يجي لبيتي اكله لا تجي اطرده ترا عيب والي يجي هلا بي.

مريم: المهم عرفتي وهم اجوي وراحو هم.

رؤى: وانتي شنو رئيچ هااا؟

مريم: ااا مادري انتي وابويا بكيفكم بعد اني شعليه.

رؤى: اهااا بكيفنا لعد راح اوديلهم خبر باچر رفضنا وهاهيه هيچ تردين.

مريم: لا لا شنو ليشش ترفضون؟

رؤى: لعد شتردين نوافق نزوج طفله عمرها ١٦ سنه راح اصير تحجين صدك انتي وبعدين الولد اكبر منج بسبع سنوات وانتي بعدج صغيره حتى دراسه متوسطه ما مخلصه لا تخبليني مريم.

مريم: ماما ما ازوج هسه لا زوجيني هسه افهميني بس وافقوا.

رؤى: شنفهم منچ؟ تحجين صدك انتي وليش هلكد تردين نوافق خاف عندج شي وياه وراضيه بيه؟ احجيلي يلا.

مريم: ماما هو رايدني بالحلال ويعني اني هم موافقه بعد ليش تكسرين خاطري.

رؤى: مراهقه متعرف تتصرف وتحجي من يمها خلي يجي ابوچ ونتصرف بدل ما تفكرين بالزواج ركزي على قرايتج احسن الچ يلا.

-حجت هيچ وطلعت من الغرفه وسدت الباب حيل اني كعدت افكر شراح يصير كلت اكيد بابا راح يرفض ضليت افتر يمنه ويسره وبعدين طلعت كتبي وكعدت اقرا كلت الهي نفسي بشيء مو احسن من كلساع رايحه وراجعه.

.......................

رحيق

راحوا لبيت مريم واني كعدت ما خلاني حيدر اروح وياهم كال اتعبين وانتي مريضه وضليت كاعده اكل بضافيري انتضر اشوف شوكت يجون وره نص ساعه يلا اجوي وطبوا للبيت رحت على عمه غيداء.

رحيق: هااا عمه شصار وياكم؟

غيداء: بنيتي كلشي مصار حجينه ويه امها امبينه امها كلش حبابه واسلوبها حلو بس كالت بتي صغيره مو مال زواج واني ادري راح يرفضون لان حتى هيه مبينه صغيره.