شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآعٓ³¹.❀♥

بقلم: ❞𝐑𝐢𝐡𝐚𝐛❝

✪✪✪✪✪✪✪✪✪

شئت أم أبيت
أنا الأنثى الأولى
التي تُلامس داخِلك بِرقتها
و أكثر من يفهم حديثك
دون أن تتفوه بِكلمة واحِدة
العالِقة في حبل أفكارك
مَن تجعلك تجن في غيابها
المُثيرة التي تضحك و هي تُغريك
المُعقدة المعقودة في عقلك
نورك الوحيد في الظلام
جميع مواعيدك المُهمة
كُل أحبابك وأصحابك
الأوطان و كُل أتجاهاتك الأربعة🦋

🦋🦋🦋🦋🦋🦋🦋🦋🦋🦋

..: سي فري تلاقينا بعد وقت..و حميتيني و دافعتي عليا و ضيفتيني و رحبتي بيا...مي انا منقدرش نجي معاك
..: ياسمين..انـ...
ياسمين(قاطعتها): خالتي انا حياتي كامل هنا..صحاباتي و الناس اللي نعرفهم و البيئه اللي عندي فيها ذكريات مع والديا...ما نقدرش نسمح فيها
شمس: بصح خمي مليح...حتى انا مراحش نحرمك منهم الوقت اللي حبيتي تجي لهنا نشريلك بيي و نخليك تهبطي
ياسمين(تنهدت): خالتي...ماشي حكاية بيي مي حكاية تعلق...حاجه داخلي راهي تمنع فيا
شمس: براحتك مي على الاقل اطلعي معانا فاكونص ريحي..و عاودي اهبطي و ادا عجبك الحال و رتاحيتي ابقاي
ياسمين(هاربه من اصرار خالتها): نشالله خالتي نشالله

خلاتها و طلعت لبيتها..عقلها رافض تماما الفكره..تنهدت و كملت تخمم...بتاسمت كي جات تصويرتو بين عينيها...من اخر لقاء كان بناتها نهار لفطور...و عينيه اللي كانو يحومو عليها...تمتم محات ابتسامتها كي فطنت لروحها واش راهي دير....

ياسمين: لالا انا سور تخلطولي لخيوط...اففف نوض نقرا على روحي

ناضت للبيرو حطت دوزانها و بدات فقرايتها....

◼️◾◼️◾◼️◾◼️◾◼️◾◼️

فطنت على صوت التليفون اللي كان يصوني...و هي بسلامتها كي تنوض تكون جايبه لخبر..تأفأفت مالعياط هذا اللي منوضها فنهار الروبو...حطت تليفون على وذنها بلاما تشوف شكون و ريبوندات...

سيدرا(بصوت راقد): الو وي
..: جوزي على الشركه جيبي مخطط ميسيو فرحي..و ارواحي ليا للدار...عندك 45 دقيقه
سيدرا: اه وشنو

قبل ما تكمل تهدر كان تكوبا..بعدت تليفونها على وذنها..و شافت شكون عيط كان ~The boss~ كيما مسمياتو هي

سيدرا«تمتم»: سييف

ناضت تجري كي تفكرت الوقت شحال..تعرفو صارم فمواعيدو ميحبش التأخير...غسلت تمتم و جازت لخزانتها خيرت واش تلبس..لبست و دارت ميكاب خفيف..تحنات لبست طالوها...و هبطت تجري للكوزينه...فتحت لفريجيدار..خرجت منو باطه شيكولا..و جازت للتوست رفدت...سقماتو تمتم كلات و خرجت..ركبت فطنوبيلتها و قلعت للشركه...سيدرا انسانه عايشه فابرتومون فوسط لمدينه وحدها...خلات دارهم و عائلتها فالعشيره..و هبطت كملت قرايتها فالعاصمه...امبعد دات دار فالمدينه اللي قدام عشيرتهم..باش تكون قريبه لدارهم...~لحقت قدام الشركه سطاسيونات..و هبطت خزرت فساعتها كان باقي من وقتها 25 دقيقه...نفخت على الزربه خادي..و هي ماشي فاهمة علاش...خدمتها هندسه داخليه..ماشي سكريتيره...وقفت قدام بيروه جات داخله حتى حبستها سكريتيرتو..