شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآع³⁵.❀♥

ࢦڪآتـبه: ❞𝐑𝐢𝐡𝐚𝐛❝

✪✪✪✪✪✪✪✪✪

صوت القرآن منتشر فكامل لقصر..مخلط بصوت بكاء..و صوت شهقات يتككرو...ناس داخلين و ناس خارجنين..بعضهم يدور فالدار و بعضهم يواسي بعضهم يمنشر فالناس و كل واحد و حالتو...كلمة ~عظم الله اجركم و ربي يصبركم~ ..~ربي يرحمها و يرزقها فسيح جناته~..كل شوية تتسمع فالدار....فالصالون لكبير واقفه كريمه تستقلل فالنسا و تقبل فتعزياتهم..و معاذ و خاوتو برا يستقبلو فالرجال و يقبلو عزياهم...فاجعه اليمه و طاحت عليهم معرفو منين...فكل الحالات..قضاء و قدر رغم الطريقه الشنيعه اللي ماتت بيها..و الجثه تاعها اللي لقاوها بشكل يزعزع الخاطر..نهاية واحد ما يتمناها لعدوو...

  نتاشر صوت عياط اديرا اللي فطنت فالجناح الطبي...مور ما داخت كي تلقات لخبر اللي صدمها و عقلها محبش يتقبلو....خزر معاذ فليث باش يدخل يكالميها..و هو بدورو دخل عندها....طبع لباب و دخل...خزر فيها..قلبو وجعو على ختو و حالتها...و كيفاش قاعده تسوطي باش تخرج و الفرمليات مانعيها...اشارلهم باش يبعدو و يخلوه منو لختو...خرجو و هو قرب ليها يكالمي فيها...و هو بحد ذاتو شاد روحو بسييف....

ليث: اششش اسكتي مديريش هكا فروحك
اديرا: رااحت لحنانة راااحت اهىىىىئ
ليث: دعيلها ربي يرحمها و يغفرلها...هكا راكي تزيدي تعذبي فيها...اديي متعذبيهاش فقبرها
اديرا(بهمس): مقدرتش و الله مقدرت..اهئ عقلي متقبلش...سلمت عليها و رحت نقرا رجعت لقيتها مكااش...ندمممت كون غير زدت معاها شوية كون غير ستغليت الوقت اللي كنت نخرج فيه برا و قعدت معاها..كون غير مخرجتش مع صحاباتي و خرجت معاها...كون غير عنقتها كثر..كون غير طلبت منها السماح نهار زعفتها..کـ..كون غيير اهئ اهئ

سالو دموعها بغزارة..اما هو اللي كان يسمعلها و ساكت..الدموع تجمعو فعينيه حتى بداو يهبطو بالوحده...حتى هو التفكير نفسو جا فبالو..بقوله في نفسه «كون غير مرحتش نقرا و نخدم فالخارج كون غير قعدت معاها و قدام عينيها كون غير تسامحنا و مراحتش و حنا ماشي صافيين 100%..بصح قدر الله مشاء فعل..ربي حب هكا»

ليث: ربي كتبها هكا...طلبي ربي يسمحلها و يغفرلها و يسكنها فسيح جناته
اديرا: اميين ياربي
ليث: هياي تروحي للصالون..دك شوية يجيبوها مالسبيطار..باش ندوها ندفنوها
اديرا: لالااااا..اهئ اهئ
ليث: اشششت سكتي واش هدرنا

عنقها بالجنب و عاونها توقف و تمشي للصالون..خرج هو وياها و الفرمليات يخزرو فيهم..متحسرين على حالتهم هادي..سورتو اديرا اللي موالفه تهبط تريح معاهم..والفوها غير بقصرتها و ضحكها...عيط لوصال دخلتها للصالون...و هو خرج لخاوتو برا..

معاذ(تنهد): كيفاش راهي؟؟
ليث: متقبلتش كي حالتنا..شوف شاهين كيفاش راه
معاذ: ربي كبير..مع الوقت نوالفو..الموت حق و كامل رانا رايحين ليها كاش نهار
ليث: صح...شوف جاو الجابري
معاذ: امممم