شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآعٓ⁵.❀♥

بقلم: ❞𝐑𝐢𝐡𝐚𝐛❝

✪✪✪✪✪✪✪✪✪

غلقت الباب و خرجت تجر في فاليزتها موراها..ركبت الطنوبيل و قلعت للمطار..مخها يدي ويجيب فالافكار..لقطات بزاف ماشي واضحه..الاحداث محبتش تتربط..تنهدت و حركت راسها مرات ورا بعض تطرد فالافكار..ركنت سيارتها فالباركينغ و هبطت تتمشى و راسها فالسما..دايرا لينات صولاي..دخلت للمطار توجهت جيهة وين دير اجراءاتها..كملت اجراءات المطار  و تاجهت جيهة الكراسي تستنا فالنداء لطيارتها..بعد حوالي ساعه سمعت نداء طيارتها
~الرجاء توجه المسافرين نحو البوابه «B»
مشات جيهت البوابه طلعت فالطياره..First class..و بعد حوالي ساعتين حطت الطائره فمطار #مالبينسا ميلانو...
رحاب: ايهههههههام
ايهم: صغرونتي بلوة حياتي توحشتك
رحاب: و انا كثر حنوني
ايهم: خلاص متحلالكش لايمي بعضاك ببعضاك
رحاب: احمم ديزولي الاخ
ايهم غمزها: ايه ما يحبوش عليا
رحاب: هاكا زعما انا ختك واش مايحبوش عليك
ايهم ~بتسم بمكر~: سقسيهم
رحاب: احكيلي ياك انا ختك
ايهم: استغفر الله
رحاب  ضحكت عليه: متزلقش نيتك😂😂
ايهم ~خبطها لراسها~: بلعي بلعي

خرجو مالمطار وهوما يحكو..و هكا عائلة جابري دايره..رغم انو راهم فحاله ما ينحسدوش عليها..بصح صامدون..راحو للدار رحبو بيها سيف و ادهم..قعدت معاهم شوية و طلعت لبيتها تريح شوية..و الدراري بقاو مريحين لتحت يقصرو....

ادهم: احمم حبيت نقوللكم حاجه
ايهم: سربي واش عندك
ادهم: لازم نرجعو للدزاير
سيف: و علاه
ادهم: عيطتلي ماني قاتلي جيب خاوتك و ارواح..و زيد عندي امور نفريهم تم..و منها نزيدو نشوفو فأمر شهد
ايهم: انا معنديش مشكل توحشت البلاد..و العايله
ادهم: و انا تان
سيف: بصح !!
ادهم: سيف ربي يخليك هاد المره برك..خمم فحياة شهد اللي معلبالناش اصلا وينها..و رانا طولنا باش نصيبوها.. تبحر كي اللبره فكومة قش
ايهم: ادهم عندو الحق..هي مبحره وحنا قاعدين منديرو والو
سيف: حوست و قلبت بصح ملقيت والو..قلبت ايطاليا كامل بصح ريحتها مكاش..كلشي مخطط مليح
ادهم: نزيدو نقلبو الدزاير
سيف ~بشك~: ادهم علبالك بكاش حاجه و مخبيها علينا ؟
ادهم ~يهرب فعينيه~: لالا والو
سيف~بعدم تصديق~: متأكد
ادهم: ايه
سيف سكت محبش يزيد يضغط عليه

≥≤≥≤≥≤≥≤≥≤≥≤≥≤

وصل فنص المده للي موالف يوصللها..خايف عليها..خايف يعاود يفقدها و يعاود يعيش لمرار بلا بيها..مجا يفتح الباب ويدخل للدار..فشل رجليه معادوش حاملينو..مشا جيهة الكولوار..يسمع فأنين ضعييف..جاي من نهاية الرواق..زرب فخطواتو ومشى جيهتها..قعد على ركايبو و حط راسها فحجر..كانت شبه غايبه عن الوعي..حاول يفيقها بكفوف خفاف

معاذ: شهد واش صرالك
شهد: كلو منك نتا
معاذ: متخلينيش نوض نكمل على جدك😠
شهد: كسروني الله يكسرهم
معاذ: وجعوك بزااف
شهد: اخخخخ متفكرنيش ظهري تقسم الحيط تاع الدار منعرف باه مخدوم
جابتلو الضحك بطريقة م
كلامها كيما السكرانه
معاذ: خنفوستي كشما شربوك
حركت راسها بالنفي
شهد: نقولك حاجه؟
معاذ: قولي
شهد: الله يكسرك معاهم
زربت عليه بهدرتها معرف باه تبلا..صدماتو رغم حالتها بصح لسانها فيه زوج ميترات
معاذ: هكا
شهد: مممم
معاذ: منغيضكش انا..الزين هذا كامل يتضرب
شهد: مغرور..تواضع شوية اسي محمد
معاذ: السي معاذ لو سمحتي
شهد: معاذ..خطاف بنات الناس
معاذ: غير نتي برك
غزرت فيه بنص عين
شهد: امنتك اممم
معاذ: اسكتي بديتي تعمي فالحاله
رفدها ومشى بيها و -هي- مزالها تهدر وتسب فيهم..حطها فسريرها وراح جاب بوات فارماسي و جا....
شهد: واش راح ديرلي
معاذ: في ميزك نتي
شهد: داويني؟؟
معاذ: ممم
يداويلها فالجروح الخفاف اللي كانو على يديها و شوية فوجها..و حاجبها..قعدو ساكتين حتى نطقت