شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة³⁵''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

الدار كامل كانو مزالهم تحت تأثير الصدمه...مستناوش لحكاية تلحق حتى لهاد الدرجه...و تدخل زهرة للحبس..ساعقة بالنسبة للجميع...ركبو ولاد مع سليمان فالطنوبيلات و قلعو متبعين الطنوبيلات تاع لابوليس....

سليمان(تنهد): بفاعيلها و عقلها الصغير لحقتنا لهنا..هبطتلنا ريسانا و غرستهم فالترابو مرمدت بكرامتنا و مسحتها فاللرض

ولادو مقدروش يجاوبوه ولا يقولو حتى كلمة.....

لحقو للبوسط بوليس هبطو موراها يجاراو....

دخل سليمان يسقسي علاه جابوها...

الشاف: كاين شكوة فحقها..تهمة جريمة قتل عمدي مع سبق الاصرار و الترصد في حق المقتولة الادريسي بلقيس حرم الجابري..و كاين دلائل و شهود..

سليمان تبكم..عرف باللي واحد مولاد ولادو دارها ولا واحد ماللي كانو حاضرين...

سليمان(تنهد و هدر بأسى): و دك واش راح ديرو؟؟
الشاف: معندك مدير..دبر محامي مليح كشما ينقصلها التهمة راهي ثابته فحقها...ليوم تبات عدنا حتى يحقق معاها و تتحول القضية للمحكمة و يصدر القرار

سليمان رجليه فشلو عليه..مقدرش يزيد يصبر كثرمن هكاك جر روحو و خرج لبرا..قابلوه ولادو

سليمان(بصدمة): راح تتدخل للحبس..شكاو بيها على بلقيس..

تنهدو كامل و ملقاو مايقولو..الشي صعيب ماهيش حاجه ساهلة.....

.........

داخل غرفة التحقيق

البوليسي(ببرود): لالة زهرة..كيفاش دايرة علاقتك مع مرت وليدك..يعني المرحومة بلقيس
زهرة(وجها صفار و خضار..و الرجفة طغات عليها كثر): ل..لباس بيها
البوليسي(طلع حاجبو و وقف يدور عليها): انا قالولي كانت هي جنك..ولا (هبط عند وذنها هامس) راني غالط
زهرة(قفزت في بلاصتها): كذابين..هاذوك ميحبونيش
البوليسي(ربع يديه و وقف اونفاص ليها): وشكونهم هاذو اللي ما يحبوكش
زهرة(توترت كثر و كثر): اللي شكاو بيا و لحقوني لهنا
البوليسي: ايه بصح شكونهم هادوك..و علاش ما يحبوكش
زهرة: لانو بلقيس كانت تحرش فيهم عليا
البوليسي: انا على حد علمي مكانتش عايشه معاك بلقيس في دار وحدة..و تاني على حساب المعلومات اللي عدنا باللي علجالك و باش ما يصراوش مشاكل خرجت مالدار..ولا كذبو(خزر فيها بشك)؟؟هممم

زهرة(هزت راسها بالايجاب بسرعة لعدة مرات متتالية): ايه..ايه كذبو..مكاش منها..هي حبت تسرق وليدي مني..و انا محبيتش علبالي باللي مراحش يتهنا معاها..و تعذبو بزااف..اصلا تزوج بيها بلا رضايتي
البوليس(هز راسو كي شاف التحقيق راهو يمشي سواسوا): ايه صح عندك الحق..و نتي واش درتي
زهرة(هزت راسها بهستيريا): بيانسور مخليتلهاش وليدي و مخليتهاش
البوليسي(بتاسم بإستهزاء): تسما قتلتيها
زهرة(هزت راسها بالرفض): ماشي انا ماشي انا
البوليسي(عقد حواجبو): مالا شكون قتلها
زهرة: مول الكاميو
البوليسي(حط يديه على الطابلة): كيفاه هو اللي قتلها؟؟
زهرة(ضحكت بهستيريا): انا ركبتو فكاميو و خلصتو مليح و بعتو ليها...و بعت اللي قطعلها الفرانات..و تهنيت منها..و بعت وليدي للخارج..و كملت حياتي مهنية منها