شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة⁸''💛♪''

بقلـم: ☽𝑹𝒊𝒉𝒂𝒃☾

"تتمــة"

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️

اديرا: ميمي مديريش هكا راكي مالصباح و نتي خازنه روحك هنا و تبكي..دك هو راهو معاها و نتي اقعدي تبكي هنا
مروى: مـ...مقدرتش نحبس مقدرتش..نـ..نحبو
اديرا: مروى تعرفيني نحبك و نحبلك الخير...مي نتي قطعتي لوراق صايي...هو تزوج و راهو زاهي مع مرتو و نتي اقعدي هنا تبكي...مدابيك منا لغدوة صباح تكوني فهمتي روحك و تنوضي توقفي على رجليك..تصبحي على خير

عطاتها بالظهر و خرجت و خلات مروى تتفرج فبلاصتها وين كانت واقفه...

...............

صباح جديد✨

بدات تحل فعينيها من اشعة الشمس لخفيفة اللي دخلت مالليستور تقلبت على جنبها مصابتوش فالفراش....ضيقت عينيها لفترة امبعد رخات روحها و رمات تفكيرها..و ناضت رفدت حوايجها و دخلت للدوش دوشت خفيف ظريف و لبست روبه فالباج ميدي و كروازي عند الصدر..خرجت جبدت حتى سيشوارها و صوالحها اللي تحتاجهم...نشفت شعرها و خلاتو على طبيعتو كيرلي دارتلو مساك فالدوغي مالكوتي و سنسلة تان فالدوغي فيها رمز "♾️"..رشت من بارفانها و لبست صندال تان شوية طالون..

رفدت تليفونها تعيط لمعاذ...فنفس الوقت تفتح باب الشمبرة و دخل معاذ.....

معاذ: صباح الخير
شهد: صباح النور
معاذ: صافا من كرشك؟؟
شهد: الحمد لله
معاذ: الحمد لله..موالفه تصرالك؟؟
شهد: ايه كي نتقلق تصرالي وضيق فيا النفس
معاذ(طلع حاجبو كشغل يماركي فيها فعقلو): اوك...ادا راكي واجه باش نهبطو داركم دك شوية يجو
شهد: ايه راني واجده

مدلها يدو..شدت فيها مبتاسمه بود....
هبط هو وياها لتحت..هي دخلت عند النسا و هو كمل خرج برا عند خاوتو و خوالو....

كريمة: صباح لخير على عروستي الزينه
شهد: صباح النور..
كريمه: كيفاش صبحتي
شهد: لباس ماني و نتوما
كريمه: الحمد لله ياربي...كريمه جوزي اقعدي

هزتلها راسها مع ابتسامه لطيفه..و جازت قعدت قدام اديرا....

🤍🤍🤍🤍🤍🤍🤍🤍🤍🤍🤍🤍🤍🤍🤍

هابطه تكركر ففاليزتها للتحت حطتها قدام تاع خاوتها و دخلت للصالون وين كانو ملايمين...كان جدها سليمان يحاول في سيف يزيدو يقعدو شوية.....

سيف: جدي اجلنا بزااف الخدمه وزيد شحال من حاجه راهي تستنى فينا منقدروش..بزااف و الله

صونا تليفونو اللي قطعهم على الهدرة..جبدو من جيبو شاف المتصل وجهو بدا يحمار بالشوية سييا ينساحب بهدوء للجنينه بلاما حتى واحد ينتبه لملامحو اللي تبدلت...ريبوندا وحط التليفون على وذنو...