شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة²⁷''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

معاذ: واقيل مشفنيش روحك فالمرايا تزغدي هك ولا هك ترم//تك تتعرا

شرعت عينيها من هدرتو...

عاود قرب ليها و حط يديه على جنابها

معاذ: و انا خيري منحب حتى واحد يخزرلي فيه (ختمها بغمزه)
شهد(كشغل تخلطت عليها بين احساس الحشمة و الصدمة): بصح نتا راك ترفس فالنعمة عندك يامات
]وردتلو لغمزة[
معاذ: ايه بسك خير مرتي الدوزيام مدفق يغرقنا انا وياك

شهد(السخانه حستها راح تخرج من وذنيها من هدرتو..حستاتو اهان بيها و بأنوثتها بلعت ريقها و تداركت روحها و نطقت بكل بروده): ربي يزيدها

طبعاتو من قدامها و فتحت لباب و خرجت تتمايل بخصرها الرشيق...

معاذ(تبسم بنصر كي حس روحو حرك غيرتها و تبعها يعيطلها يعاود يردها تبدل): شهههد ولي لهنا شههههد

شهد كي سمعت صوتو زادت فلافيتاس تاعها و خرجت ملباب تاع لقصر ركبت فالطنوبيل مع الشوفور و امراتو يقلع....لحق ليها معاذ لتحت لقا كريمه واقفه طل تحاول تفهم واش راهو صاير....زاد ركب حتى هو فطنوبيلتو و قلع موراها......

معاذ: تحوسني نذبح كاش واحد على جالها اليوووم اووووف

كسيرا للكلينيك و يتبع فالطريق الطنوبيل اختفى لها الاثر......

مده و لحق تم قارا الطنوبيل و دخل ما يضويييش عينيه فيهم غير شكلها هداك و انو ممكن كاش واحد يخزر و يكحل عليها...خلا النار تشعل في قلبو...وقف عند الريسبشن يسقسي وين راحت.....

معاذ: الدكتوره شهد وين راهي
الاستقبال: راهي فالاستعجالات اغا

هزلها راسو بإيه و راح للاستعجالات يشوفها....لقاها لابسه طابليتها لبيضه و نحات الطالو لابسه كروكس في بلاصتو...و قاعده دور بين لمرض من واحد لواحده

_دنا ليها بهدوء و حكمها من يدها حتى دارت مخلوعه....

شهد: معااذ!!
معاذ(هدر بلعقل): امشي قدامي تبدلي هاد لفضيحة
شهد(طلعت حاجبها فيه): راك تشوف فيا خدامه منقدرش نخلي لمرضة تاعي...و اصلا مجبتش حوايجي
معاذ(بتحذير): شهد منعاودش هدرتي تمشي تبدلي واش راكي لابسه..ولا حق ربي غير الكلينيك نهبطها...نوريلك تعريلي لحمك يتفرجولي فيها الزوا//مل و عاجبك لحال...امشييي
شهد(تستعطف فيه): بصح عجبتني و مرانيش حابه نحيها

^غمض عينيه يتنفس بعمق يسيي ما يعيطش وما يضغطش عليها باش متنفروش كثر....

معاذ: ايه جاتك مليحه بصح متخرجيليش بيها برا...