شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآعٓ¹⁹.❀♥

بقلم: ❞𝐑𝐢𝐡𝐚𝐛❝

✪✪✪✪✪✪✪✪✪
• 𝚆𝚑𝚒𝚕𝚎 𝚒 𝚖𝚒𝚡 𝚠𝚒𝚝𝚑 𝚎𝚟𝚎𝚛𝚢𝚘𝚗𝚎 𝚜𝚑𝚎 𝚒𝚜 𝚎𝚟𝚎𝚛𝚢𝚘𝚗𝚎 𝚒𝚗 𝚖𝚢 𝚑𝚎𝚊𝚛𝚝.
• بينما أنا أُخالط الجميع هي الجميع بقلبي😩❤.

صحـا فطوركم ليكيب..✨

✿✿✿✿✿✿✿✿✿✿✿

تعشات هي وياه فجو مالضحك و الڨصره..جاز وقت هبال بالنسبه ليهم للزوج...و موراها كل واحد فيهم راح لدارو.....
~جازو يومين مور هداك اليوم..كان راجع مالخدمه وقت الفطور اليوم كانت مناوبتو فالليل..دخل للدار مشا جيهة الصالون..لقا مانو تهدر فالتليفون..تبان تكموندي فحاجه...و يماه مقابلتو فالجيهة لخرا دايره رجل على رجل و كاس قهوة تقرا فجريده و لا همها فحاجه....
كريمه: جيت وليدي على سلامتك
معاد•تبسم معاها•: يسلمك يما
كمل كلمتو و غزر في يماه..اللي غمضت عينيها بقوة و زيرت على الجريده فيدها حتى قريب قطعتها...
كريمه: جيعان نحطلك تاكل؟
معاد: ايه..
راحو للكوزينه هو قعد و هي قعدت تحطلو..حطتلو طبسيه...
كريمه: بصحتك..غدوة نسحقك هنا باش تروح مع خوك
معاد: وين؟
كريمه: باش نخطبولو
معاد: ايه صح نسيت كامل..نشالله
كريمه: نشالله
خرجت من عندو و هو غطس فماكلتو....

💙💙💙💙💙💙💙💙💙

ركب فطونوبيلتو و قلع..شارد لبعيد..تخمامو محصور غير فالميساج اللي لحقو..خبط الفولو مكرز..تنفس بالقوه..و كسيرا حارق الطريق..خرج مالطريق تاع القريه..و دخل فالطريق الرئيسي رايح la ville..بقا يسوق متبع map على الموقع اللي وصلو..بعد مده دخل لحي يبان شوية مهجور..سي فري فيه فيلات كبيره مي تبان محروقه و الزجاج مكسر..كاين على الاقل 5 ديار ولا فيهم السكان و يبانو نظاف..حبست الاشارة الحمرا تاع map قدام وحده من هدوك الديار..طفى طنوبيلتو و هبط منها تفقد سلاحو تحت الفاست تاعو و قدم داخل..ستغفر مولاه و سما بسم الله و دخل لتم
سيف: شرييف يا شرييف
حتى خرجلو راجل من وحده مالشنابر
شريف: ششششت نقص حسك
سيف قلب عينيه: مزالنا فنفس الحركات..متخافش مكان حتى بنادم يتبع فيا
شريف: متعرف الاحتياط واجب
سيف: هممم فهمت..تفضل واش تسحق و لازم نرجع باش ما يشك فيا حتى واحد😑
شريف: السيد..راهو مليح..و يبلغك انو زواج الانسه الصغيره لازم يتم بأي طريقه من الطرق..و إلا...
سيف: نعرف نعرف..و بلغو باللي هدرتو طبقت
شريف: مࢪسي موسيو
سيف: هممم...🙂
خرج من عندو و من هديك المنطقه..اللي بانتلو كون يستثمروها تجيب ارباح هائلة..(الخدمة ساكنتلو فعقلو🌚💔)..جبد تليفونو و تبسم بمكر على الفكره اللي جات فراسو..كومبوزا النيميرو و عيط..مره ثنين..3..4..حتى للخامسه باش جاه الجواب..و الصوت كان مبحوح ببحة نعاس
سيدرا: هممم شكون؟؟
سيف: انا..سـ..
سيدرا (بغضب): علبالي باللي نتا بصح شكون نتا؟!
جابتلو الضحك بصح شدو باش يبان شوية بزاف سيريو
سيف: احمم..سيف جابري
على اللي كانت متكسله و نعسانه..ولات واقفه و النعاس طاير