شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة²³''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

في بلاصة اخرى..

جوليا: بابا ليفاكونص لحقو واش نهبطو للبلاد
احمد: جوليا بنتي قتلك دك مستحيل واش نقدرو نهبطو للبلاد
جوليا: مي علاش بابا
احمد: كاين شي صوالح كبار اللي منقدرش نقوللهملك...اسباب قويين بزااف
رماس: جوليا بنتي خلي باباك
جوليا: افففف مقلت والو...انا نطلع لبيتي خير
رماس: ايه روحي

تبعت بنتها بعينيها حتى طلعت لبيتها..و دارت لراجلها....

رماس: راك تبان مضرور

احمد: و فوق لقياس...توحشتهم بزاااف كبرو و تبدلو و انا غايب عليهم...معرفت نظرتهم ليا كيفاش راهي..ادا كرهوني ولا مزالهم يحبوني...طبايعهم كيفاش ولاو ادا شهد مزالها تحب ترقد بلا مخده و شهرها مطلوق...رحاب مزالها تحب البوكس وتحب الموطوات و تحب القوة..ادهم و ايهم مزالهم يحبو العيشه فالطبيعة
معرفتش ادا مزال عندهم نفس الأحلام ولا تبدلو كي كبرو قلبي يحرق فيا عليهم حبيت نشوفهم و نمسهم نحضنهم نحس بيهم...نسيي نعوضهم خلاااص مقدرتش

رماس(مسحت دمعتها اللي طاحت من عينها): متخافش يفرجها ربي و يديرلها حل سبحانو...كيما تبعدتو تعاودو تتقاربو.. و حسبي الله ونعم الوكيل فاللي دار فيكم هكا...و بعدكم على بعضكم

احمد: هددوني بيهم...شدوني بيهم و بعدوني عليهم...تزوجت و انا بعيد خطفها و تزوجها بسييف وسييا يغتاصبها و هي صغيرة و انا بعيييد مقدرتش نحميها منو و من اي واحد سييا يأذيها
صح خاوتها في كتافها بصح باباها الظهر اللي تتسند عليه..(كمل بخنقه) و ملقاتووووش

رماس(ستجمعت شتات روحها و نطقت): لوقتاش تقعدو خايفين منها امممم..امشي نزدمو خلاص مبقا واش يتخاف...سنيين و نتا خاسرهن و تبع غير فالخفاء...بصح ما بقا واش يتخااف...امشي نزدمو و نديرو ربي في قلوبنا يحلهالنا اممم؟؟

احمد: مراهيش ساهلة كيما متخيلتها

رماس(بثقه): ايه علبالي بصح لوكان نديرو اول خطوة يوضاح كلش ندرو الحاله و نقدمو..منقعدوش خايفين هاذي 20 سنه ولا منعرف شحال جازو و نتا خايف عليهم...ازدم و دير ربي في قلبك

احمد(خزر فيها بحب): انا بلا بييك واش كنت نقدر ندير

رماس(بتكبر مصطنع): متقدر دير والوووو
احمد(بتاسم): هههههه يخليك ليا
رماس(باستو من خدو): اميين...نتا اهدر مع سيف و هاني هنا معاونك
احمد: ايه نشالله يديرلها ربي حل
رماس: نشالله يا ربي

🤍🤍🤍🤍🤍🤍🤍🤍🤍🤍🤍🤍

ياسمين: توحشتو بزااف
مدينه: نتي عميتيها..كانت باينه عينو عليك من نهار اللول نتي منعرف واشبيك شفتي الزين الاسباني فطنتلك الدوده...دودة القز اللي فيك
ياسمين: و واش ندير..لاخر زدملي ديراكت
مدينه: ياسو عاودتيلي لحكاية 5 خطرات معليش!!

ياسمين: واش حبيتيني ندير اهئ ملقيتش حل
مدينه: ادعي ربي واش ديري

.............

نعرفكم على المجموعه اللي لتاحقو باشرف و رحاب و اللي يكونو مجموعة اشرف...

《عصام رتبتو ملازم》《فريد رتبتو مساعد اول》《يوسف رتبتو مساعد اول》《فراس رتبتو مساعد》

يكونو فريق اشرف فالخدمة دايمن يخدمو كيف كيف و معروفين بنجاح خدمتهم مع بعض....

_لحقو بيهم هادي 9 ايام جازو...اشرف متأقلم معاهم بحكم موالفهم...بصح رحاب متسرطولهاش كامل..و حاسه روحها غريبه معاهم مقدرتش نتنساجم معاهم

بصح تسيي دير خدمتها كامله مكموله و بلا حتى نواقص.....

فطنت من سهوتها على صوتو يعيطلها...دورت عينيها خزرت فيه لقاتو متبع معاها....و حتى البقيه يخزرو فيها....

اشرف: واش وين غرقتي
رحاب: هنا برك
عصام: حنا نهدرو فموضوع كيما هدا  و نتي ساهية
رحاب<خزرت فيه ببرود>: مفقتش
عصام: نتابهي متلتايش بصوالح وحدخرين

فراس: اخطي عليك الطفله صاحبي...نورمال تصرا
عصام: تصرا خطرة ماشي كلما نديرو رينيو تغيب هكا
_خزرت فيه مطلعه حاجبها معجبهاش الحال...لايمت وراقيها بين يديها..و وقفت مبلاصتها..

رحاب: امبعد نتفرج للرينيو تاعكم و نشوف واش هدرتو فيها....تبانلي حتى اللمسه تاعي بيناتكم مولاتش تبان...ايا بون كوراج 

نساحبت من تم بهدوء تام...تمشي و تتمايل مخليتهم يخزرو و عصام ولا يطبخ....

حست بخطوات موراها...دورت وجها لقاتو اشرف...
طبعها للبيت اللي واقفين قدامها و سكر الباب

رحاب(حولت عينيها للباب و امبعد ليه): خير؟!
اشرف: وشبييييك؟؟
رحاب<طلعت حاجبها فيه>: وشبيا..هاني لباس بيا
اشرف: مالا علاه نضتي هكاك...و عندك يامات و نتي تخدمي وحدك معجبناكش
رحاب<بتاسمتلو ببرود>: منحبش ندير اختلال فالتوازن برك
اشرف: وشمن خلل؟؟
رحاب: نهار مبنتلكش باللي قد هاد المسؤولية تكلت على روحي...نلحق وين حابه وحدي.  بصح راك تشوف اللي نلحق ليها نقولهالكم
اشرف: و نتي بانتلك روحك قد المسؤولية؟؟..(ضحك باستهزاء) رصاصة وحده ميزيدولكش
رحاب: ايه عندك الحق

دنات من قدامو و راحت للباب تفتح فيه...و دارت خزرت فيه مليح

رحاب: نهار تقست نتا بعشوائيتك هاديك انا اللي حميتك متنساش..و قول للق*** تاع صاحبك يا نهارو يبات ما يصبح ما يخلطش فيا
اشرف: حاره مع روحك برك
رحاب(ضحكتلو باستفزاز): متستهلوش نحرق طاقتي فيكم

خرجت مالبيت و خبطت عليه الباب

رحاب(تمتمت بينها و بين روحها): ربي قدرني نلحق نكسرهم كامل نوريلهم يستخفو بيا
🤍🤍🤍🤍🤍🤍🤍🤍🤍🤍🤍🤍🤍🤍
هلو غايز نيو بارت🔥🔥🔥
(توضيح برك: فالفايس راني نحط فيها ماللول كامل تسما التكملة راهي هنا مراحش مروح منا حنى نكملها بإذن الله)

_ارائكم؟؟؟

_اقترحاتكم؟؟؟

>اتفاعلوووو ملييح زهولي الحاله✨️✨️