شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآع¹⁸.❀♥

ࢦڪآتـبه: ❞𝐑𝐢𝐡𝐚𝐛❝

✪✪✪✪✪✪✪✪✪

لأني أحببتكِ عن سابق إصرار وترصد ، سمّاني القانون الدولي مجرم حب !
وأنا أقر بذنبي عساني أستحق عليه سجناً مؤبداً في عينيكِ ♥️.

⊙⊙⊙⊙⊙⊙⊙⊙⊙⊙⊙⊙

دخلت خزرت شكون قاعد مور البيرو...و الصدمه بانت على وجها..مالصدمه ولات تضحك و تسفق...
شهد: ادوووم
ادم: اوهوه هاي الهدرة اللي منحبهاش
شهد: منوقتاش
ادم: منحبهاش من بكري
شهد: غبي..قصدي منوقتاش تخدم هنا
ادم: هااا منهار جيت
شهد: حاااله تسما راح نولي نخدم معاك
ادم ضحك: ههه تخدمي عندي ماشي معايا
شهد: زعما زعما
ادم: اسمعي انا ما معاياش اللعب زيري روحك
شهد؛ بففف اوك بووص
خبطها لراسها و طبعها
ادم: امشي امشي قدامي

خرجو من تم رايحين لغرفه اللي فيها الباقي...طبطب ادم و دخل
ادم: تبعو معايا...
خزرو كامل فيه
ادم: احمم..معاكم طبيبه جديده
الكل: مرحبا بيك
شهد: عيشكم
ادم: و جدو رواحتيكم اليوم عندكم عملية تبعوها
خرج و خلاهم يتعرفو على بعضاهم
منصف: مرحبا انا منصف
فرح: و انا فرح
محمد: و انا محمد
شهد: متشرفه بيكم..و انا شهد
الكل: متشرفين
تبسمتلهم..و دنات جيهة الخزانه...
فرح: الكازي هديك راهي فارغه
شهد: اوك
دنات جيهتها و فتحتها..نحات لافاست تاعها علقتها..و جبدت طابليتها من ساكها لبستها....
شهد: وين نروحو دوك؟
منصف: نروحو للبلوك..دك بالشويه تحفظي السبيطار
شهد: اوك
خرجو من تم و هي تبع فيهم..يعني تصميم هاد السبيطار يشبه للي كانت فيهم مفيهش بزااف اختلاف..بصح من رأيها هي ما يعرفوهاش شكونها خير....قعدو يهدرو و هي ساكته تبع فيهم برك...
شهد: تسما فرح و منصف مخطوبين
منصف عنق فرح بجنب
منصف: لا كتب ربي هكا
شهد: الله يبارك
فرح: يبارك فيك
حبست لاصونسور..هبطو منها و كملو مشاو شوية..لقاو ادم متكي على الباب يستنى فيهم
شهد تمتم لادم: متبينش باللي تعرفني
ادم خزر فيها باستغراب: علاه؟؟
شهد: امبعد و نحكيلك
طمنها بعينيه و خزر فلخرين
ادم: واجدين
محمد: ايه دكتور
فرح: بصح وشنوها العملية
ادم: عملية على رأس مريضه هنا
شهد: مع اليقظه؟؟
ادم: ايه تعرفيها
شهد: قريت عليها برك
ادم •مضيق عينيه فيها•: واش تعرفي عليها؟
شهد: شوية برك..اذا كان الورم ولا منطقه من دماغ المريض تتسببلو بصرع و لا نوبات تقع بالقرب من اجزاء الدماغ اللي تتحكم بالرؤية و الحركة ولا الهدرة فلازم يكون المريض مستيقظ كي تكون العملية باش الطبيب يقدر يعرف الضرر وين بالضبط..و يطرح اسئله على لمريض..باش يعرف انو يعالج المنطقه الصحيحه في الدماغ..و كيما تساعد في الحد من خطورة تلف المناطق الوظيفية في الدماغ
ادم: مليح..كي تشوفو كشما حبيتو تعرفو ناقشوه مور العملية..اوك
الكل: اوك دكتور
ادم: تفضلو
دخلو هوما وين يقدرو يشوفو و هو..هبط كطبيب مساعد فالعملية...بقاو يتبعو فالعملية حتى كملوها..و اللي تبان نجحت..راحو للغرفه تاعهم و موراهم زاد جا ادم..قعدو يتناقشو و هو يشرحلهم........