#شهــــٓــد_الاغــــٓــا🤍❤️⃟🕊️
🤍"و كم اهوى النظر في عينيك عندما ترفعينها في وجهي"🤍
بقلمي: ☽𝑹𝒊𝒉𝒂𝒃☾
✨️"وقيل انها طبيبةُ الاغا...قيل انها علاج الروح قبل علاج الجراح..قيل انها شهد"✨️
🔥🥂"وقيل انه لو كان للشهامة عنوان لكان عنوان...
فاقت على اشعة الشمس اللي ختارقت الستار (العربية تحفه)..تكسلت في فراشها امبعد ناضت تغسل (تكسلت بمعنى هدوك الحركات الاكروباتيه اللي نديروهم كي نوضو😂)..غسلت و خرجت تشوف واش تلبس..دخلت للدريسنغ متبسمه..تمووت على الحوايج..حتى هو ذوقو شباب..(لي فهمو مين جاو الحوايج تقولي فالكومنت نعرفها مركزه ملييح🥺)..لبست و خرجت⤵️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت مالبيت هابطه للكوزينه..كرشها تخرج فالاصوات الغريبه دلالة على انها راح تبدا تاكل فروحها..بدات تقلب على اللوازم واش تحتاج دير..مقرره دير كيكه..جهزتها دترت باش ديرها فالفور صابتو مقابلها متكي على الكادر تاع الباب شهد: سملله الرحمان الرحيم..خلعتني..متعرفش دير حس كي تدخل..تقول عزرين معاذ بتسم بشر: اممم عزرين..واش راكي ديري شهد: كيما تشوف ~حركت سنيوة الكيك بين يديها~..كيكه معاذ: ملييح..خليني نذوق ماكلتك نشوف اسكو تعرفي ولا خاطيك شهد ~رفعت صدرها بافتخار~: بيانسور نعرف..مرانيش اخت لثلاث ولاد فباطل..
كملت كلامها بإنكسار..توحشتهم بزاف كانو هوما محور حياتها ما دير والو بلا بيهم..تجمعو الدموع فعينيه ترمش يطيحو..رفعت عينيها للسما تحاول تمنعهم..معاذ كي شاف حالتها..نفخ كاره معاذ: يجي نهار وين تفهمي..و تم تعطيني الحق شهد: وشمن حق يخليك دير هك معاذ: المهم انا راني خارج..كشما تسحقي قولي للي عند الباب شهد ~تمتم~: نسحق منزيدش نشوف خليقتك معاذ: لسانك ا مهبوله خزرت فيه بنص عين و راحت للفريجيدار..وهو خرج شهد: حمار يعرف غير يخسرلي مورالي..كلب..لبارح قريب متت بسبابو وهو ولا همو طايح عليا عميق..يهدر غير بالالغاز..ايوووما (بصوت روفيده😂) ~~كملت الكيك تاعها زينتها وحطتها تبرد..خرجت مالكوزينه..راحت للصالون تضيع وقتها فالتيلي حتى يبرد الكيك.....
﹉﹉﹉﹉﹉﹉﹉﹉﹉ هبطو مالطياره يمشو بخطوات ثابته..روسهم فالسما..الناس تتهامس عليهم..نظن اول مره في حياتهم يشوفو اشخاص كيما هادو..خصوصي بلبستهم السوده..يبانو مافيا...كسر هداك الصمت ادهم ادهم: توحشت ريحة البلاد..و ناسها _يستنشق فالهوا بالقوه_ ايهم: حتى انا توحشت اليامات هنا..مكاش كيما البلاد..حتى وتكون عايش فالذهب فالغربه رحاب: وي صح سيف ~ضحك بإستهزاء~: غالطين و مشا و خلاهم رحاب: و شبيه ايهم هز كتافو: منعرف لحقوا وراه لقاو الطنوبيلات فالباركينغ..ركبو و قلعو..جيهت «عشيرة جابري »..بعد مده كانوا قدامو هبطوا تستفوا جيهت الباب الكبيره..لحظات و الباب تفتح..قابلتهم العائله واقفين سيف ~يهمسلهم~: توحشتو هادو؟ ادهم: اسكت قربو جيهتهم الجد والجده..«زهرة & سليمان».. سليمان: مرحبا بيكم نورتو الاولاد: عيشكم فتحلهم يديه..عنقوه خفيف وجبدو رواحهم زهرة: و انا قربو جيهتها متردين..ذكريات منها مليحه و منها ماشي مليحه..تروح وجي فعقلهم..و بكون الاحسن اكثر رماو الذكريات السيئة مور ظهرهم و قربو جيهتها..حضنوها حتى هي زهرة: توحشتكم رحاب: حتى حنا ماني سليمان خزر وراهم يستنى فيها طل عليه..يعرفها تحب المفاجأت بزااف..بصح هاد المره طولت سليمان: شهد وين دراري تورترو..عارفينو راح يسقسي عليها علاقتو بيها قوية بزااف... ادهم: مشغوله مع القرايا و الخدمه مقدرتش جي..كي تكمل تهبط سليمان: ايه معليش ربي يقدرها..تفضلو مشا قبلهم و هوما موراه..سيف كاره الرجعه هادي اما مجبور..بصح خاوتو البقيه فرحانين..رغم كلش..يبقى اصلهم..باقي العائلة تخزر فيهم..منهم اللي حابهم..منهم اللي كارهم..منهم اللي معندو حتى شي جيهتهم..لا حب لا كره
