شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآعٓ³³.❀♥

بقلم: ❞𝐑𝐢𝐡𝐚𝐛❝

✪✪✪✪✪✪✪✪✪

يوم جديد  و تحديدا ليل هذاك اليوم:

رفدت اخر بوشات حطتها فلافاليز تاعها..عاودت تفقدتها باللي منسات والو
و سكرتها وقفتها و حطتها قريبه للباب..بدلت حوايجها تمتم و ريقلات روحها و هبطت لتحت...كانو الخدامين فكل بلاصه يريقلو فالدار الجديده..و يرتبو فأثاثها....وقفت قدامها السكريتيره تاعها تتحاور معاها...

«الحوار باللغه الاسبانية»

ليتي: ??el tiempo ha llegado
(لحق الموعد)
رحاب: Sí... mantén tus ojos en todo
(ايه...عسي كلش ياك
ليتي: Por supuesto, señorita..un buen viaje para usted
(بيانسور..رحله موفقه)
رحاب: Gracias
(شكرا)

ودعتها و راحت من قدامها و هي تجبد فلافاليز موراها....ركبت مع الشوفور..و ذرة الحماس تكبر داخلها..من جيهة متحمسه للمشروع..و جهة اخرى لعرس شهد..و طرف اخر باش تشوف العباد..و واحد منهم بالضبط كي تتفكرو قلبها يرفرف....بعد مده كانو قدام مطار مدريد الدولي «ادولفو سواريز»..دخلت..جوزت باقاجها و دخلت فريفيات الموضفه وراقيها..تبسمتلها و دخلت للبوابه اللي تديها للطياره تاعها....دخلت للطيار خدات المقعد تاعها فالفارست كلاس و قعدت تستنى..بعد مده بدات الطياره بالاقلاع..و بعد 1:30 او اكثر هبطت الطياره فمطار الجزائر العاصمة «هواري بومدين»..كملت الاجراءات تاعها و خرجت مالمطار...حبست طاكسي ركبت و عطاتو لادراس وين يحطها...بعد تقريبا ساعتين طريق حبس الطاكسي قدام بابا لقصر...خزرت للسما اللي بدات تدخلها اشعة الشمس..خلصت الطاكسيور و جبدت فاليزتها من لامال و حطتها قدامها..خزرت فليقارد اللي كانو واقفين عند الباب..اللي بدورهم غير شافوها فتحولها الباب...دخلت و هي تكركر فلافاليز موراها...فتحت باب لقصر بلعقل..و دخلت..كانت الدنيا كااالم مكان حس حتى بنادم...طلعت بلعقل تحاول مديرش الحس...حتى حست بجسم موراها...مع دارت لقاتو عمها مهدي...

رحاب(باستغراب): عمي
مهدي: وشبيك داخله كي السراق
رحاب: باش منديرش الحس
مهدي(سلم عليها): على سلامتك العسكر
رحاب: هههه الله يسلمك العم
مهدي: اطلعي ريحي منعطلكش
رحاب: صحيت..Bonne journée
مهدي: merci

بتاسمتلو و دارت مكمله دروجها...حتى وصلت لبيتها...فتحتها و دخلت..لقاتها كيما خلاتها بالضبط...تنهد..حطت لافاليز قدام الحيط..و نحات صباطها (حشاكم)..و ترمات على سريرها..مع كانت لابسه سورفات خفيفه بلكحل و ديباردور بيض مع فاست تاع السورفات..جاوها على القوسطو...غمضت عينيها و رقدت ظيراكت بسباب التعب......

◼️◼️◼️◼️◼️◼️◼️◼️◼️◼️◼️

لحقت 6:30 بداو ينوضو بالشوية...كل واحد لخدمتو ولا ياكل و يقعد يرتاح...جتامعو كامل على الطابله كي عادتهم..الطابله معمره بالماكله...فطور الصباح ولا كيما نقولو القهوة تاع الصباح اوبليجي سينون ما يكملش نهار نورمال بلا بيها...بداو ياكلو في صمت كل واحد لاهي فكاسو..حتى نطق مهدي...