شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآعٓ³².❀♥

بقلم: ❞𝐑𝐢𝐡𝐚𝐛❝

✪✪✪✪✪✪✪✪✪

"نجوت
بمفردي من مآسي عدة،
من خيبات رافقتني منذ الصغر،
من اهتزازات في الثقة
ومن سكاكين الكلمات و خيانات الأصدقاء و تلاشي من أريدهم بلا سبب،
نجوت من عذابات الوحدة، من متاعب لا تنتهي،
من سقوط سقف آمالي فوق رأسي، من حلكة الليالي الباردة،
و من حُرّ الخيبة و الندم المستمر،
نجوت من محاولات استغفال مقرفة، و من و عود زائفة،
من جَلد الحياة اللامنتهي،
و هذه المرة سأنجو أيضًا🥀."

🥀🥀🥀🥀🥀🥀🥀🥀🥀🥀🥀

وصال: بغـ...ل تفوو..بصح شباب..ربي يهديني هذا واش نقول....افففف لازم نروح عند شهد

ركبت موطوها و دارت الكاسك تاعها الرمادي و قلعت للسبيطار...بعد مده كانت قدامو..طلعت راسها قابلتها بلاكه..
«مستشفى جابري~Jabri hôpital»

وصال: عاودت وليت اففف

دخلت للسبيطار..وقفت عند الريسيبسيون...

وصال: سلام..وين نقدر نلقى دكتور شهد جابري
المستقبله(مغزله): قصدك المتدربه شهد؟؟
وصال(برفعة حاجب): اممم
المستقبله: اممم..شوفيها فلاشومبر لفوق ليطاج 2 على جيهتك ليسرى
وصال: اوك صحيتي
المستقبله: اممم يسلمك

طلعتها و هبطتها..ما بلعتهاش المخلوقه هادي..تأفأت بعد اهتمام ليها..و راحت وين قالتلها..طلعت فلاسونسور..عبزت على القفله تاع الطابق 4...

وصال: اففف غلطة..احي على زهري كيفاش داير

بقات تعبز و تعاود على 2 مي والو...بقات تستنى تلحق و تعاود تهبط...حبست لاسونسور فالطابق 4...خزرت فالبلاكه اللي كانت مقابلتها وين مكتوب..«قسم الولادات و الاطفال»

وصال: اويي شحال كيوت..ما فيها والة كون نضرب دوره خفيفه و نرجع..خفيفه برك

بتاسمت برضا على الفكره و بقات تمشي و دور بين ليكولوار..و تخزر فالذراري مالزجاج..حتى وين كانو غرف خاثه بالنسا الوالدات و لا المقبلين عليها...تخبات مور الحيط كي شافت معاذ و شهد خارجسن من شومبره تاع ليبيبي...

وصال: الاغا!..واش راهو يدير هنا..على حد علمي ما يحبش دراري صغار..هيهي اللي قال الحب يغير المرء و الله مغلط..بداو يبانو الاثار عليه..هربت تجري جيهة الاسونسور كي شافتهم جايين وين كانت...عاودت هبطت وين لاشومبر تاع المتدربين..طبطبت و كي سمعت الاذن دخلت..لقات محمد و فرح...

وصال: سلام عليكم..شهد مكاشها
محمد(و عينيه عليها): لالا مكاشها بصح دك جي...كشما حبيتي
وصال: وين نحتاجها
محمد: مطولش و ترجع
وصال(فقلبها): علبالي علبالي

طلعت راسها كي شافتها دخلت مالباب..

شهد: وصال؟؟
وصال: يس انا
~تسالمو~
شهد: صافا راكي مليحه
وصال: صافا الحمدلله و نتي
شهد: نحمدو ربي
وصال: الحمدلله..نقدرو نهدرو وحدنا؟؟
شهد: ايه بيانسور ارواحي