شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

أࢦضيـآعٓ²³.❀♥

ࢦڪآتـبه: ❞𝐑𝐢𝐡𝐚𝐛❝

✪✪✪✪✪✪✪✪✪

ينتابني فضولٌ حولَ طريقة تفكيرك بي
رُبما فضولٌ غريب .. إلّا أنَّ الغرابة شيءٌ أصيل عندما يتعلّق الأمرُ بكَ
كيف أبدو أمامَك ؟
بعينين مُنطفأتين و مُشتعلتين
و وجهي الباهت منهُ و المُشرِق ..
ينتابني فضولٌ حول ما سيحدُث لاحقاً
ينتابني فضولٌ حولنا
أنا و أنت ..

غداً .. ماذا سيحدُث ؟
اقذفُ قطعة من النقود في الهواء وأضحَك
قاطعةً بذلك الشكّ باليقين
إن كان نسراً سأحبّك
و إن كانت كتابة ..
سأحبُّك أيضاً ♥️. .

⫷⑅⫸⫷⑅⫸⫷⑅⫸⫷⑅⫸⫷⑅⫸

دخلت عندو جبدت كرسي  حطاتو قدامو و قعدت...حاسه بقلبها يحرق..على شعره و تفقدو..و السؤال اللي يدور فراسها.._اسكو قادره تزيد تفقد بنادم جديد من حياتها؟؟ و معاذ واش يعنيلها في حياتها..جوست خكيبها ولا حاجه وحدخرا؟؟...تنهدت ماسحه دموعها اللي منشفوش...حتى حساتو بدا يتحرك شوية...وقفت مزروبه محبساتو فبلاصتو

شهد: متتحركش بزاف ماشي مليح ليك
معاذ: سقميلي لمخده

هزت راسها بإيه و دارت واش قاللها..عاوناتو تكا عليها...

شهد: صافا مايوجع فيك والو
معاذ: لالا
شهد(بتوتر من نبرت صوتو الجافة): اوك...احمم نعيطلهم يشوفوك

مدار  حتى جاست..زربت خرجت و دموعها على طرف عينها....لقاتهم واقفين برا حتى منسا لحقو..قاتلهم باللي يقدرو يشوفوه برك ما يطولوش بزاف..و راحت و خلاتهم..نحات الطابلية اللي لابستها فوق القفطان و هاداك الشابو رمااتهم و طلعت تجري لشمبرتها..سكت الباب بالمفتاح و ترمات على بونكها منهاره.....مفهمتش سبب تغيرو هاد المفاحئ ياك مقبيل كان عادي؟....

~~فجيهة وحدخرا في نفس لبلاصه..و بالضبط في جنينة لقصر حاصرها مع الحيط و هي تضرب فصدرو...

اديرا: اطلقني اعبد ربي
اشرف: و ادا محبيتش
اديرا: نعيط نلايمهم كامل على راسك
اشرف(ضحك): يحسبوها حاجه وحدخرا..و يزوجونا ديراكت تعرفي العادات و التقاليد..اخخ جيني مي العسل على قلبي عرس بلا عذاب 😂😂😂
اديرا(مشنفه): منقبلش بيك بصح
اشرف: نن تقبلي..قلبك ما يرضاش يبعد عليا
اديرا: يرضى بلا جدو
اشرف: حنِّي عليا أ حبيبه..و انا جاي ليك فرحان باش نقولك خبر شباب و نتي قابلتيني هكا..تبنلي منقولش و خلاص
اديرا(بإهتمام): لالا قول
اشرف(بنظرة خبث): بشرط
اديرا: اففف..قول
اشرف؛ بوسيني
اديرا: لازم
اشرف: هممم..ادا حبتي تعرفي
اديرا: اففف

وقفت على صباعتيها باش تلحقلو فالطول..هكاك و موصلاتوش...شدها من جنابها رافدها شوية..دنات ليه متوتر..دنات و جها جيهة خدو..باستو منو و ختمتها بعضه و بعدت هربانه..ميته بالضحك على الرياكصيون تاعو...