شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة¹⁹''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

اب سيدرا: روحي راجلك راهو يستنى فيك
سيدرا: بقى على خير

خرجت تكركر في لافاليز تاعها..و في قلبها هم...ركبت فالطنوبيل مت السيد اللي قاللها عليه باباها..و كان راجل ما يفوتش 45 سنة...خدام عندو حانوت تاع مواد غذائية و يكون جارهم فالحومة...عندو شحال و هو يخطب فيها و هي ترفض فيه علجال سيف.....

محمد: اهبطي رانا لحقنا

هبطت مالطنوبيل بلاما تخزر فيه..جبدت فاليزتها تكركر فيها و دخلت للدار هاديك....

وقفت فالكولوار تالفتلها وين تروح...حتى جا محمد....

محمد: هايليك البيت اونفاص ليك...وجدي روحك راني جاي

سيدرا الرعشة حكمتها و معرفتش كيفاش دير....دخلت تزرب للبيت هاديك...جوزت عليها عينيها...كانت نورمال خزانه بونك.....

زربت لساكها جبدت منو تليفونها تقلب على نيميرو....عيطت و عينها على الباب خايفة لا يزدم عليها و كشما يديرلها....

سيدرا: الو شهد
شهد: وي شكون معايا
سيدرا: اتا سيدرا صحبة رحاب
شهد: اا سيدرا..واش كاين كشما صرا لرحاب لليل لليل
سيدرا: نن ماشي رحاب...انا راني في مشكل و ملقيتش اللي يعاوني
شهد: خير نشالله...ادا قدرت نعاونك راني هنا..قولي
سيدرا: بابا زوجني بالسييف عليا...و محبيتش السيد يتوشيني فهمتيني..و ملقيتش كيفاش ندير
شهد: اوووو راك فدار الراجل هادا؟؟
سيدرا: ايه دك يجي ليا...شهد راني خايفة
شهد: متخافيش...ما يديرلك والو...دك نشوف كيفاش نخرجك من تما...خليلي لادراس برك
سيدرا: الله يحفظك لازم نخرج منا منخليهش يتوشيني عاونيني

محمد: شكون تعاونك هادي و وين تخرجي يا ال***

لاح يدو ليها...خطفها مدراعها و قاعد يهز فيها....و لابال تاع شهد مزالها تمشي....

محمد: راني نهدر معاك وين تروحي
سيدرا: واش دخلك معندو مدخلك
محمد: واش دخلني دوك تشوفي واش دخلني كيفاش داير يا الكل..به

رماها فاللرض و طاح عليها بالكفوف و الكوتبيي..و شهذ تسمع في كلش....

سيدرا: ااااا طلقني يا الكل...ب طلقني

...........
ناضت شهد مفراشها تجري لمعاذ...تنوض فيه...

شهد: يا يما...معاذ..نوض...معاذ
معاذ: خطي عزريني خليني نرقد
شهد: معاذ عفسه ايرجون نوض ربي يعيشك
معاذ: شهد طيري على عزريني خرمن نوض نخلطك فبعضاك
شهد: اهئ حتى نتا كيفو يا الحقاار اهئ....ادهم اهئ نعيط لادهم