شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

أࢦضيـآعٓ²⁹.❀♥

بقلـم: ❞𝐑𝐢𝐡𝐚𝐛❝

✪✪✪✪✪✪✪✪✪

إليكَ،
أمّا بعد

حين تخمّرَت فكرتُنا في رأسي،
شربتُها وحدي نبيذاً أحمر،
و مع طيفك رقصت،
و بين ذراعيك غفوت.

و ها أنا قد استيقظت
و آثار الثّمالة تعانق محيايَ،
و غشاشة عينيّ تودّع طيفك،
و قلبي؛ يحرس عتبة الفِكرة بعناد
و عقلي؛ لايزال ينكرها بكبرياء
و أنت و أنا بينهما نتأرجح،
و بين الكلّ أو اللّاشيء ننتظر بترقّب،
و بين الحيرة و الخوف نجمد حيث نحن
بملامح باردة و عيون متسائلة،
و نترك شلال الفِكرة يُغرِقنا؛
كلٌّ يُجرَف بعيداً..
بجسد أتعبته الذّاكرة،
و روح تنهشها الوحدة،
و قلب سكَنه الخوف
و لن يسكنه سوى
النّدم!

~رسالة يتيمه
💙💙💙💙💙💙💙💙💙💙

جابت ساكها و هبطت ليه ركبت معاه و هو يخزر فيها...

شهد: تبقى تخزر فيا
معاذ(بابتسامه): امم عندك مشكل
شهد: اه
معاذ: ياك قلتيلي عاوني نرجع ذاكرتي
شهد: ايه
معاذ: دونك اسمعي
شهد: راني نسمع
معاذ: كي كنتو تسكنو فالقصر اللي قريب لينا كنا دايمن كيف كيف...لدرجة اني كنت نشوفك كثرمن نشوف دارنا...كنت دايرك مسؤوليتي مالقري كنت صغير (اعترف غير مباشر هذا ام ماذا؟)..المهم..كنا دايمن نلعبو كيف كيف و انا وياك كنا كالم عكس معاد و رحاب اللي كانو ما يخلاصوش بمشاكلهم..حتى انو كانت عدنا بلاصه دايمن نلعبو فيها..متتفكريش الشجره اللي كنا نلعبو عندها..حتى وين بناولنا دار تم
شهد: صح😐😂
معاذ: ايه كنا انا و نتي و معاد و رحاب دايمن تم

سكتت شوية مركزه نظرها فبلاصه وحده برك...
شهد(تنهدت): نن مقدرتش نتفكر
معاذ: معليش متضغطيش على روحك..كاش نهار نروحولها
شهد: نشالله.. احمم معاذ
معاذ(شاف فيها بنص عين): امم
شهد: علاش هداك النهار قريب تعديت عليا هكاك مالقري مدرتلك والو..و سبع سنيين هادي و انا نفكر نفكر مقدرتش نفهم واش درتلك..حتى دارتلي عقده في حياتي و مرضت نفسيا و جسديا منها...
معاذ: خلي كلش للوقت تفهمي
شهد(تنهدت): اوك

من موراها واحد فيهم مزاد قال كلمه..كل واحد غارق فتفكيرو...
حطها فالدار و راح للقصر...قارا الطنوبيل و دخل عند مانو اللي مزالها فالجناح الطبي خايفين عليها...طبطب و دخل...قابلاتو بابتسامتها ردلها الابتسامه و قعد فالكرسي...دار يدها بين يديه..و قعد يمسح عليها بحنانه

معاذ(بهدوء): كيفاش راكي اليوم
كريمه: الحمد الله
معاذ: الحمد لله...احمم ماني
كريمه: وليدي
معاذ: واش رايك ناجل العرس
كريمه: و علاش
معاذ: راكي تشوفي مبقالوش بزاف يا ربي سمانه و نتي مريضه..و زيد نحبك تكوني بصحتك و توقفي على كلش فيه
كريمه: ايه كيما تحب متأجلوش بزاف بصح
معاذ: اممم..انا نخليك امبعد نولي
كريمه: ايه تهلا فروحك
معاذ: نشالله