شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة³⁹''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

《اقراو واش كاتبه فآخر البارت》
〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

وصا ليغارد واش يديرو و هو قرر ينساحب من تم ماشي قادر يسمع صوت عياطها وخاف ادا يحن فيها و يحبس كلش..تسما هرب.....

الأخوة الدراري يحطو ثقة و امال كبار فخياتهم لبنات...يشوفو فيهم بزاف صوالح...خصوصي طفل كي مايكونش عندو خوه يولي شوف ختو هي خوه..و يستناها توقف معاه في كلش...و هو يحط ثقتو فيها و دايمن منحي احتمال تاع دير عفسه تهبطلو راسو...يقول لالا هادي ختي و تربيتنا متقدرش تكسرني و دير عفسه تضرنا كامل....
بالضبط واش صرا مع ادم...عفسه جامي ستناها من ختو..بحكم جامي دارت عفسه عيانه ولا شاف منها عفسه...غير تصرفاتها شوية عدوانية...تكسر بطريقة عيانه...هو صح معندو مدخلو بصح تبقى ختو...يتأثر بيها....

.............

صباح جديد و نقولو اخيرا خلاصت الليلة المأساوية اللي كانت على نص و الليلة الجميلة اللي كانت على تص لاخر.....

بداية من عند رحاب اللي كانت تستقهوا...هي و ايهم....

ايهم(بمزاح): رحاب راني نفختلك مليح عند جدي...راني نسألك حاجه
رحاب(طلعتلو حواجبها و هي تشرب من قهوتها): قول والله حنوني...هدا واجبك ياك ختك ولا بطلنا
ايهم(قلب عينيه): اممم صح..مسمارة

رحاب(هزتلو كتافها و وقفت ترفد وين كلات): سميها واش تحب حنوني...انا دك عندي شغالات see you later ايهومي

خرجت من عندو ركبت طنوبيلتها و كسيرات....لحقت لنفس البلاصة اللي كان فيها ادم فالليل...هبطت و دخلت تتمشا دايره نواظر في عينيها لابسه سورفات كحلة
لقات ليغارد واقفين فالباب على حالتهم كيما خلاهم ادم لبارح.....

رحاب: وين رانا لاحقين
الغارد: صوتها لصباح باش حبس
رحاب: سور ما صرالها والو؟
الغارد وي سور ميأذيوش
رحاب(هزت راسها): حل الباب

نفذ اوامرها وحللها الباب مخليها باه تدخل....دخل قبلها خرج الكلاب اللي لقاهم قاعدين عادي....
و نور مكمشه فالكوانه و ترجف...عينيها مشرعين..مزغدتش رغم الحس اللي صرا قدامها..

رحاب(ببرودة): نوضي

نور متحركت مجاوبت

رحاب(بنفاذ صبر): قتلك نوضي معنديش نهار كامل نقعد نستنى فيك
نور(بخوف): نخاف نخاف
رحاب(بعدم اهتمام): ايه كنتي تخافي قبلما تتقبلها و تروحي تحطي يدك فيد السحارين
نور(بدات تبكي): ندمت والله ندمت
رحاب: فاش راح يفيدك و يفيدنا الندم تاعك دك؟
نور(زادت فصوت بكاها): معرفتش محسبتش هكا
رحاب: اممم الخطرة الجاية اعرفي..و دك نوضي تهزين معنديش غير نتي نقعد نستنى