شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة³⁵''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

شوية وقت و لحق بيهم سيف للقصر...دخلوا احمد يخسر في القصر اللي كبر فيه وجوليا وريماس مخلوعين من جمال القصر وتفاصيله
سيف: ادخلوا نعرفكم على العائله
احمد( تنهد): باينه بلي زادوا فيها بزاف عباد
سيف( خزر فيه باستهزاء): باينه هادي جازو 20 سنه.. ارواحو ادخلوا

دخلوا للقصر..عرف سيف باللي راهم كامل مجمعين في الصالون بسباب الحس اللي كان جاي منو.. كمل يمشي بهم للصالون وقف هو الاول وقفو هومما موراه...

زهره لمحة وجات تجري جهتو....

زهره( بابتسامه): على سلامتك وليدي خلعتنا واش كاين

سرعان ما تمحات ابتسامتها كي خزرت موراه..
طغاو عليها تعابير الصدمة و فمها تحل...وليدها اللي نفاتو و فرقاتو على عايلتو عاود ولى........

_نفس الشي كان لاحمد اللي شاف يماه تصدم....شريط الماضي عاود رجعلو....كلش جاز على عينيه....من طفولتو لاخر نهار فرقاتو فيه على عايلتو......شكلها متختلفش بزااف غير نحنات شوية و التجاعيد اللي طغاو على وجها و الشيب اللي زاد تخلل كثر في شعرها....

احمد(بتاسم بإنكسار..و هدر بنبرة مهزوزة): يما توحشتك 

على كلماتو بان باباه موراه....حتى هو الكبر بان عليه...تصدم من شوفتو جامي توقع يعاود يشوفو في حياتو.....

سليمان(عقد حواجبها و هدر بصرامة): احمد

خزر فيه احمد و هز راسو و الدموع تجمعو في عينيه

احمد: بابا

سليمان بعد زهرة اللي كانت واقفه كي التمثال من صدمتها....و قرب لوليدو عنقو بقوة...ريماس الدموع تسربوبها من عينيها...مقدرتش تشدهم.....

<<و ايهم اللي بقا مصدوم ماللور مقدرش يتحرك و يخرج يشوف باباه.
رغم شخصيتو و يبان ما هامو والو فهاد الدنيا و كلش يجوزو بالساهل....بصح قلبو وجعو بزااف...جازو سنين طوال و هوما محرومين من باباهم..و عايشين فالتمريميد بلابيه......>>

[[سيف بقى مثبت عينيه غير على مانو و فردة الفعل تاعها....في عمؤها مكانت راح تعاود تسمحلهم يشوفو باباهم.
و لوكان عرفاتو دخل للدزاير متخليهش يلحق هنا....]]

بعد احمد على باباه و خزر فيه و الشوق باين فعينيه....

سليمان(هدر بهدوء): على سلامتك وليدي...
احمد(بتاسملو): الله يسلمك بابا
سليمان(عقد حواجبو): خير مفكرك فينا مور هاد السنين كامل..(طل موراه على ريماس و جوليا)...و شكون هادو اللي راهم معاك
احمد(اشارلو عليهم): ريماس مرتي و جوليا بنتي...جوليا هادا جدك سليمان
سليمان(هز راسو و خزر فجوليا): هايا حفيدتي سلمي على جدك