شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة⁴''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️

لحقو للطنوبيل اللي مكانتش بعيده...ركب كل واحد فجيهتو...و تحرك لكاش ريسطو ظريف..

حبس هبط هو و هيي موراه متوتره...حكمو طابله و قعدو....بلعت ريقها و خزرت فيه....

ياسمين: و علاش جيت ليا؟؟
شكيب: علاه معجبكش الحال كي جيت؟؟
ياسمين: لالا ماشي هكاك...ستغربت برك
شكيب: اممم فهمتك...حبيت نجي جيت...و قاتلي شمس راكي تقراي قلت نجوز ليك
ياسمين(هبطت راسها): اممم
شكيب: كيفاش..عجبك الحال هنا والفتي؟؟
ياسمين؛ شوية يعني..مزالني نسيي نتأقلم معاهم
شكيب: ايه ربي يقدرك
ياسمين: اميين

جا السرفور كمونداو واش حبو..و موراها راحو للدار....لحقها و راح لاوتال..محبش يقعد عند عمو...

🤍🤍🤍🤍🤍🤍🤍🤍🤍🤍🤍🤍🤍🤍🤍

سيف: قوول للميسيو تاعك يا يبان و يفري اومورو يا يسكت عليا ما يعشعشليش في حياتي..و يقعد يأمر فيا
.....: بصح
سيف: ما بصحش

و كوبالو فوجهو...خبط يديه على البيرو مقلق مالاوامر اللي يلحقوه كل شوية...حاس روحو روبوت.....

سيف: علجال مو رفد روحو و راح...و يجي ليا انا يضيع فيا و فخاوتي......

سكت شوية يسيي يكالمي روحو......رفد تليفونو يعيط لواحد مرجالو....

سيف: الوو فارس...قولي عبد النور مزالو تم....اممم صحا راني جاي

ركب فطنوبيلتو شاد طريق جيهة جنان تابع ليهم.....

~بعد مدة كان لحق...سطاسيونا و هبط...دخل للجنان لقا الحدامين موزعين...كل واحد واش يخدم....شافو الشاف تاعهم جا ليه يرحب بييه....

شاف: اووو هلى سلامتك سي سيف..هادي غيبه
سيف: الله لا يغيبك جليل
جليل: كشما نعاونوك..ولا كشما حتجت
سيف: عيد النور راهو هنا؟؟
جليل: ايه راهو هنا
سيف: قولو يجي ليا للبيرو
جليل: ايه دك نقولو

راح للبيرو حاكم بلاصتو و يستف فكلماتو واش يقول...على حالتو حتى طل عليه جون فالعشرينات....

عبد النور؛ سحقيتني؟؟؟
سيف؛ احمم ايه ارواح اقعد هنا عندي ما نهدر معاك
عبد النور (قعد): غير الخير
سيف: خيير خيير...انا سيف جابري...مدير سيدرا ختك
عبد النور(بإستغراب): ايه نعرفك...كشما دارت سيدرا

سيف(بلع ريقو): لالا مدارت والو..احمم عبد النور انا حبيت نخطب سيدرا ختك

~رمهالو فوجهو بدون اي مقدمات..طلق روحو على الكرسي و عينيه على عبد النور يستنى فردة فعلو كيفاش راح تكون.....