شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة ما قبل الاخيرة في الفصل

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

انستغرام القصة: ri_ab.2
〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

سكت و دور راسو على صوت موطو قاوي...حل عينيه كي عرف شكون راكبه فيها من شعرها و شكل جسدها...كيفاش يقدر ينساها و هو جرحها جرح غامق...تفكر عينيها كيفاش برقو بالدموع من هدرتو...

حقق فشكلها مليح...الفاست كوير و السكيني جين..الكاسك على راسها..و جوز عينو للموطو تاعها kawasaki ninja 6R...برقو عينيه بإعجاب...

ايهم: good choice
جوليا(خزرت وين كان يخزر): تحبهم
ايهم(بقا مثبت عينيه على وصال): شكونهم
جوليا: الموطوات
ايهم(هز راسو): بزاااف

تسمع صوت الموطو كي قلع عالي بزااف مخلي الغبار مطاير موراه...محركة من قداموبلاما تنتبهلو...مخليا عينيه معلقين فيها.....

ديمارا هو تاني.....مكملة الطريق و مينداك يهدر مع جوليا باش توالفو و تنقص الحشمه....لحقو لليكول هبط  هو و ياها داخلين مع بعضاهم..طلع راسو خزر فالبلاكة تاع الليسي (ثانوية طارق بن زياد)..جاو في بالو ذكريات عديدة بتاسم عليهم و كمل طريقو يوزع فالابتسامات بإبتسامتو الجذابه مخلي سنانو يبانو...نواظرو على عينيه...

ايهم(هدر بإفتخار): كحلي تشو كيفاه نجرجرهم مورايا كامل
جوليا(ضحكت): arrogant (مغرور)
ايهم(ضحك): و افتخر petite sœur

لحقو للبيرو تاع المدير...دخلاتو الكسرتيرة....

ايهم(خمس مع المدير): سلام موسيو
المدير: و عليكم السلام جوزو تفضلو
ايهم(هزلو راسو و قعد فالكرسي اللي قدام البيرو و جوليا فاللي مقابلو): يزيد فضلك
المدير: تفضل كيفاه نقدر نعاونك
ايهم(اشار لجوليا): هادي ختي جوليا..مكانتش عايشه هنا كانت تقرا في فرنسا و دكا ستقرت هنا..المفيد حبيت نسجلها هنا باش تكمل قرايتها عندكم بحكم انا و خاوتي كامل قرينا هنا
المدير(هز راسو بتفهم): مرحبا لينا الشرف تكمل حتى الاخت تاعك عدنا...نبداو فالاجراءات و اوراق التحويل
ايهم(هز راسو): ايه..

_حكت جوليا يديها بتوتر خايفه من المستقبل و البداية الجديدة سورتو كي ماشي موالفه العيباد هنا و عقليتهم...حياتها كامل و هي عايشه فالخارج مع عيباد بعقلية مختلفه كامل.....
.....................

*عند معاذ

عيط للشركة تاع الماء..(سيال)..باش يشوفو اخصائيين لهاد الشي و يعاونو فالقضاء على المرض...

خلاهم خداميين و ركب فطنوبيلتو....يعيط لشهد يسقسي عليها...حتى دخلاتو ابال (شكيب)....

معاذ: على السلامة يا حمامه وشمن ريح رماتك عدنا
شكيب(ضحك): اغاااا..توحشتك متقدرش تتصور شحاال...لحياة بلا بيك و بعيده عليك مافيها حتى بنه
معاذ(بتاسم و هدر ببرود): فيها البنه كي نتا تثقبها و انا نغطي عليك
شكيب(ضحك): هاديك هي
معاذ(نحا التلفون خزر فيه و عاود ردو): وقتاش وليت
شكيب: البارح فالليل هداميم نضت مالغيبوبه تاعي...جيت مع المدام
معاذ(عقد حواجبو و نطق بنوع من الصدمه): تزوجتو؟
شكيب: لالا خطبنا برك...جينا هنا باش نفريو الامور و نستقرو
معاذ: مبردتش حتى ديتها
شكيب(ضحك بإستهزاء): شكون راهو يهدر
معاذ (هدر ببرود): صراو صوالح بزاف في غيابك حبيت لوكان نلقاك في جنبي..و تعاوني
شكيب(هدر بإستياء): ارفد التليفون وعيطلي 2 سوايع و انا واقف عندك