#ليُحيا_بك_قلبي3
بقلم: ميامن أحمد
اليوم التاني قمتا من الصباح بنشاط وحيوية وكنت متحمسة جداً لي الشغل الجديد، وبعد ما أتجهزتا ضربت لي الاء وبراءة شفتهم طلعو ولا لسه وبعد أتاكدت أنهم في المحطة مشيت ليهم أساساً هما بيوتهم ما بعيدة مننا، سلمت عليهم وقلت ليهم أشتقت ليكم جداً جداً لينا زمن ما أتلاقينا الاء قالت لي أي طولنا شددديد من بعض+أنا كمان والله أشتقت ليكم، براءة قالت لي بعدين بعد المقابله ح نمش معاك بيتكم قلت ليها جد؟! قالت لي أيي قلت ليها أحلى خبر والله عندي ليكم شمارات وحكايات ما بتخلص براءة قالت لي شكلنا الليلة ح نستمتع قلت ليها ح نستمتع شدديد، ركبنا المواصلات والطريق كلو نتكلم ونهائي ما سكتنا لمن وصلنا المستشفى، المبنى بتاعها كان كبيير جداً وهي من جوا سمحة ورهيبة حد الرهابة، مشينا الاستقبال البت الفيهو أدتنا أستمارات مليناها وقالت لينا أنو بعد أسبوع حتكون المعاينات لازم تجو في الوقت المحدد عشان المدير بتاع المستشفى دي ما بحب التاخير وممكن ما يدخلوك المعاينة لمجرد ما جيتي متاخرة قلنا ليها طيب ما بنتاخر، فتنا منها شوية براءة قالت لينا شكلو المدير بتاعهم صعب قلت ليها نشيل شيلتنا بس الاء قالت لي ميامن من هسي بطلي سهر عشان ما نرجع لحنك التاخير تتذكري الجامعة والمحاضرات كلها فاتتنا بسببك قلت ليها ما بوعدك إني أصحى بدري زي الليلة عشان دة كان حماس أول بس وما أكتر لكن بحاول يا زولة🤣💔قالت لي غايتو إنتي قلت ليها أنا حاليا جعانة أرح نمشي الكافتيريا حقتهم نشوف أكلهم عامل كيف قالو لي ارح مشينا طلبنا أكل وقعدنا فيها، ما شاء الله بس الكافتيريا حقتهم زاتها رهيبة وباين أنهم ناس نضاف وأكلهم سمح، أثناء ما نحنا بناكل كدة فجاة أشوف ليك خالد بالله اللقمة وقفت لي في حلقي قلت ليهم واااي دة بيعمل هنا في شنو! براءة قالت لي منو هو! قلت ليها الكائن الاسمو خالد دا يااخ " خالد دا أخو زياد خطيب مهاد أختي، أساسا الولد دا انا ما قاعدة أطيقو دايما بتشاكل معاهو من يوم الاتخطبو مهاد وزياد، بتذكر أنو ناس مهاد مرة عملو قروب واتسب وهو كان فيهو وأتشاكلنا أنا وهو ومن الوقت داك بقيت ما بطيقو " الاء قالت لي وين ليهو! قلت ليها ح أوريكم لكن ما تتلفتو عليهو طوالي عشان ما ينتبه لينا قالو لي طيب، وريتهم مكانو وما أستنوني أكمل كلامي زاتو طوالي أتلفتو عليهو🙂💔، طبعا هو أنتبة لينا لأنهم عملوها ظاهرة يعني فجاة قبل علينا ولقانا نحنا التلاتة بنعاين ليه أستغرب شدديد من نظراتنا ليهو وبعدها جا تجاهنا، هو أساسا بعرف براءة والاء لانهم كانو قاعدين في خطوبة مهاد وزياد، قال لينا السلام عليكم براءة والاء ردو ليه السلام وأنا فضلت ساكتة سااي، قال لينا منورين المستشفى الاء قالت ليهو منورة بي أهلها قال لينا جيتو تقدمو لشغل هنا ولا شنو! براءة قالت لي أيوة قدمنا وشالونا والليلة جينا عشان نملأ الاستمارات وبعد أسبوع قالو عندنا المعاينة قال لينا حلوو يااخي وبالتوفيق ليكم قالو ليه أمين يا رب قال لينا ما تخافو المعاينة ساهلة الاء قالت ليهو أنت أصلا شغال هنا! قال ليها إيوة أنا كان قدمت من أول ما فتحتو المستشفى يعني قبل كم شهر كدة وقبلوني وهسي شغال قالت ليهو أها كويس والله قال لينا طيب يلا ما أشغلكم البنات أبتسمو ليه وهو فات مننا، قلت ليهم يعني الكائن دة حيكون معانا! وااااي بسس الاء قالت لي نفسي أفهم إنتي لييه بتكرهيهو ولد هدي ورضي وسمح سماحة تخلم أحيي أنا😢❤️قلت ليها سمح في عينك يا وسخة قالت لي هسي في واحد زيو كدة بتكره! كان ما هبلة سااي قلت ليها عايني أختيني يا بت الناس وما تجيبي لي سيرة الإنسان دة عشان ما نختلف قالت لي الجن ولا النفسيات، فضلو برغو وبتكلمو عنو لمن زهجت منهم قلت ليهم خلاص أقفلو الموضوع دا وأرح البيت الاء قالت لي مالك عايزة تودينا البيت أنا ما صدقت أننا طلعنا بعدين ما شايفة الاشكال الفي المستشفى دي بالله أشكال تفتح النفس براءة قالت ليها والله نضيفين نضافة أنضف من ضميري زاتو🤭، قلت ليها عرفناها الاء بايرة وبتنبرش في أي زول لكن إنتي المعرسة يا براءة قالت لي يا بت ما تخليني أنبرش براحتي مالك معاي ياااخ🌚! قلت لي أصبري ح أوري ليك أيمن قالت لي وريهو ساي انا أصلا قاعدة أنبرش معاهو في البنات السمحات قلت ليها واااي منك😹💔قالت لي عادي عادي، يلا براءة معرسة ليها زي سبعة شهور كدة وساكنين هي وراجلها في بيت جنبنا، قعدنا شوية وبعدها مرقنا قلت ليهم الساعة واحدة جات وما ح نلقى مواصلات بسهولة أحسن نركب ركشة براءة قالت لي أيي زي الزمن دا ما بكون في مواصلات، وقفنا ركشة ركبنا ومشينا بيها بيتنا، من دخلو سااي وسلمو على أمي طوالي مشو غرفتي وقبليني حتى لمن لحقتهم لقيتهم ملصو عبايتهم ورقدو في السرير عايزين ينومو🙂💔مرقت عبايتي وقلت ليهم ما شاء الله مستكيين شدديد، براءة قالت لي ضايقناك في حاجة! قلت ليها لالا أبدا أستمرو، الاء قالت لي أنا تعبانة والله وعايزة موية جيبي لي قلت ليها يا سسسلام ولا كمان عاوزاني أنزل تحت وأجيب ليك الموية🙄👊قالت لي ما فيها شي أنا لو ما تعبانة كان مشيت جبتها براي قلت ليها لا دقيقه يعني أنا الكنت قاعدة هنا ومرتاحة ما مشيت معاكم قال تعبانة قال قالت لي خلاص أطفي النور بدور أنوم قلت ليها قومي براك، قامت تتطفي النور كدة طوالي رقدت في محلها وقلت ليها راحت عليك😹💔جات بقت تقوم فيني لمن وشغالة لي قومي يا سمينة قومي من محلي قلت ليها أبيييت، اخر النهاية جات رقدت جنبي ولزتني على براءة، قلت ليها حتى سريري ما سلم منكم قالت لي سريرنا لو سمحتي قلت ليها ما حأرد عليك بس قالت لي بكون أحسن، المهم نمنا وما صحينا الا المغرب لي الغداء، أتغدينا وبعدها طلعت معاهم قدمتهم وجيت راجعة....
