#ليُحيا_بك_قلبي11
بقلم: ميامن أحمد
أتخلعت لمن قالت أنها خطيبتو وقلت ليها شنوو؟! قالت لي يااخي ما بتتذكري كان مرة حكيت ليكم بي أنو أخوي الكبير خاطب قلت ليها ما بتذكر قالت لي داً كان في بدايات لمن رحلتو جنبنا هنا أصلا إنتي ما كنتي مصحباني شدديد ولا كنتي بتشغلي بي كلامي مع ناس مهاد عشان كدة بكون نسيتي قلت ليها إيوة قالت لي يلا هما مخطوبين ليهم سنتين ونص خطبها وبعدها سافر قلت ليها هي بتبقى ليكم! قالت لي إيي بت عمي، وعمي دا الواحيد المن أعمامي الساكنين هنا الباقين كلهم في البلد قلت ليها أها لالا تمام، قعدت شوية ورجعت بيتنا وطوالي شلت تلفوني ورسلت لي البنات في القروب وقلت ليهم هييي، جات براءة ردت لي بي في شنو! قلت ليها عندي ليكم شمار خطير🤣💅 براءة قالت لي أحكي سرييعع، الاء قالت لي جاك عريس! قلت ليها لا يااخ موضوع أخطر من كدا قالت لي أب لي الشمار🤣↗️ قلت ليهم دكتور يحيى طلع خاطب، براءة قالت لي نعممم! الاء رسلت إلايموجي المخلوع داك وقالت لي وبعلييي قلت ليهم وما ح تصدقو خطيبتو منو، براءة قالت لي قوليي ما تحرقي أعصابي أكتر ما هي محروقة قلت ليهم واحدة كدا أنتو بتكرهوها، الاء قالت لي يعني بنعرفها! قلت ليها أجل نعم قالت لي بس ما تقولي لي أنها فلانة المايعة قلت ليها للاسف هي زاتها، براءة قالت وااا مغستي ما قادرة أصدق، أما الاء ديك شكلها انصدمت بس بقت ترسل في الايموجي المخلوع كل دقيقة والتانية🤣قلت ليهم أجل أنها مفاجاة القدر لكم يا عزيزاتي🤣↗️ براءة قالت لي صدمة صدمة، الاء قالت لينا كدي لمن أستوعب بعداك بجي بتفاهم معاكم، براءة قالت لي هسي يا ربي مستحمل البت دي كيف! أنا ثانيتين بس ما بقدر أقيف جنبها كلامها كلو أعوج قلت ليها هو زاتو غياظ زيها يلا قردة ولقت شبهها💃👋 قالت لي إنتي بس عشان شايلاها معاهو لكن هو ظريف، ضحكت ليها وقلت ليها هه ظريفة أنا يختي، قالت لي الاء طفشت وين! تاني ما خشت الواتسب شكلها لسه مصدومة قلت ليها شكلو كدا🤣✅.....
__________
ما كنت فاهم هي مالا كانت مصرة شددديد على أنها تتكلم مع البت المريضة العندنا وتخليها ترفع قضية ضدد راجلها، ما كنت حاببها تتدخل في الكلام دا خصوصي أنو راجل البت من شكلو باين أنو زول مجرم وبتاع حركات وبعدين إذا مرتو رفع يدو عليها وضربها بقسوة وما راعى لي دموعها فاكيد ما ح يرحم ميامن لو أدخلت في الموضوع وما ح يخليها في حالها وح يعمل ليها شي أنا متاكد فعشان كدا قلت ليها ما تتدخلي وبطلي حشرية بس هي كانت فاهماني غلط وما قدرت تفهم المعنى الحرفي الانا بحاول أوصلو ليها من خلال كلامي، أنفعلت وقالت لي ح أدخل لاني مريت بنفس موقفها وأنضربت نفس الضرب داً ولنفس السبب، انا اللحظة ديك ما فاهم شي، هي قصدها شنو بالظبط! الموقف ياتو! حق أنها كانت حامل وأجهضت ولا حق راجلها لمن ضربها ولا حق الطلاق! لا دقيقة الكلام دا كلو بيعني أنها كانت متزوجة؟!، كنت بسال في نفسي السؤال دا بس لقيت أجابتو لمن قالت لي مطلقة بسمع الكلمة دي لي أكتر من سنتين، أنا هنا أيقنت تماما أنها كانت متزوجة وعانت وخسرت حاجات كتتتيرة في سبيل الزواج دا، وبعد ما رجعت البيت لسه هي كانت شغالة تفكيري وعلقي وبدون ما أغير ملابسي الملبولة مشيت لي أمي كنت عاوز أسالها منها ومن قصة زواجها بس لمن دخلت الغرفة ما عرفت أقول شنو، طيب ح أسالها كيف!، هي قالت لي زنقتك المطرة في الشارع ولا شنو ملابسك كلها موية! قلت ليها إيوة .. إيوة قالت لي أمش غيرهم وتعال أخت ليك الغدا، صراحة ما فهمت شي لي باقي اليوم وحاولتا كذا مرة أسال أمي بس ما كنت قادر أطلع الكلام وأسال، واليوم التاني لمن ما جات المستشفى مشيت سالت منها صحباتها قالو لي أنها مريضة وما ح تقدر تجي هنا ياداب قلبي أطمن شوية لاني كنت خايف أنها تكون مضايقة لانو حالتها كانت صعبة شدديد لمن وديتها البيت، وقبل ما أمش منهم قلت ليهم عاينو بالنسبة لي القصة الحصلت أمبارح والبت الجات هنا وراجلها ضربها قولو لي ميامن ما تتدخل في القصة دي لانو ماف مصلحتها الكلام دا ومشيت خليهم كان لازم أنبههم لاني عارف ميامن عنيدة جداً وما ح تسمع كلامي بس ممكن تسمع كلام صحباتها....
