#ليُحيا_بك_قلبي24
بقلم: ميامن أحمد
صراحة لمن عملت كدة وجرتو من يدو أتغظت شديدد من حركتها بس ما بينت لي شيماء شي وعملت نفسي ما مركزة معاهم وهي ما عرفت تقول شنو وعملت رايحة، أستاذنت منها ومشيت لي صحباتي سلمت عليهم وقلت ليهم هااي هااي أكيد أشتقتو لي صح! براءة قالت لي أشتقنا ليك شدديد والله، الاء قالت لي معقولة نزلتي الشغل بي السرعة دي! كان تستمعي بالاجازة مع زوجك قرة عينك😉قلت ليها على فكرة إنتي واحدة تافهة وبعدين يا ستي أنا ما بحب قعاد البيت عشان كدة نزلت دوام قالت لي أنا الله يعرس لي بس أربعة شهور ما بجيكم قلت ليها البورة في أبهى صورة🤣↗️براءة قالت لي خليك منها البايرة دي دكتور يحيى جا معاك! قلت ليها إيوة قالت لي هو هسي وين عشان عندي كم تقرير قال لي أجيبهم ليهو، قلت ليها ساقتو الست هانم هبة، الاء قالت لي ساقتو وين! قلت ليها بري ما بعرف قبل شوية ... ووريتها الحصل كلو، براءة قالت لي ميامن إنتي متخلفة ولا حاجة! كيف يعني تخليها تمسك يد راجلك وتجرو منك بالطريقة دي، الاء قالت لي كان لازم توقفيها عند حدها وتفكي يدها منو لمجرد ما مسكتو وتقولي ليها الزمي حدودك قلت ليهم ياااخ أنا ما شغالة بيهم كتتتير حريقة تحرقهم الاتنين، براءة قالت لي أخخ من برودك دة ح يوديك في ستين الف داهية قلت ليها عاينو إنتو أعملو زيي وما تركزو معاهم كتتتير، الاء قالت لي برييي غايتو ميامن دي أنا لحد الأن ما قادرة أشخص الحالة اللي هي فيها دي بتتسمى شنو! قلت ليها والله أنا زاتي ما عارفة نفسي شنو المهم خلونا منهم الهُبُل ديل ووروني الحصل إييه في المستشفى وأنا مافيشا!! بدو يحكو لي كدة .. جاتنا ننو سلمت علينا وبقت واقفة وبتتونس معانا...
____
_أيوووووييي
=يا مرا إنتي جنيتي ولا حاجة! مالك بتزغردي!
_فرحانة .. فرحانة
=خير سبب فرحك شنو أن شاء الله!
_مبسوطة لانها وأخيرر قدرت تتجاوزك وتتجاوز الحصل معاها بسببك وقدرت تنسى الظلم العاشتو معاك وأتزوجت مرة تانية..
=قصدك شنو أنا ما فهمت
_بتكلم عن مرتك ميامن أوبسس بقصد مرتك القديمة سمعت أنها أتزوجت ليها زي أسبوعين كدة
=شنوووو!
_السمعتو يا أخوياا، ميامن عرست
=إنتي يا مرا أنا قايل عقلك دة ما كويس، تعرس كيف يعني؟
_قايلها يعني حتفضل خايفة منك كدة لحد ما تمووت وما تشوف مستقبلها وحياتها كان قايل كدي الترابة في خشمك يا الاخو
=إنتي عرفتي من منو! يمكن بتكضبي علي
_ومصلحتي شنو من الكضب وبعدين أنا بس وريتك تصدق ولا لا دي ما شغلتي " ورجعت تاني تزغرد لمن أمو جات جارية مخلوعة "
