#ليُحيا_بك_قلبي14
بقلم: ميامن أحمد
كنت في النادي مع أصحابي ما صدقت أني لقيت فرصة عشان أمش وأقعد معاهم شويتين، المهم أخدت ونستي ورجعت منهم قريب المغرب لقيت ناس أمي وخالتي سامية واقفين في الشارع وجايطين وخالتو بتبكي، قلت ليهم السلام عليكم خير يخواانا في شنو مالكم جايطين كدا! أمي قالت لي ميامن ومعاها البت صحبتها ديك أسمها منو؟! " لمن جابت سيرتها أنا هنا قلبي بقى يضرب شديدد وخفت أنو يكون حصل ليها شي " مهاد قالت ليها نسيبة، من سمعت الاسم التاني عرفت أنو دي البت الميامن طلقتها من راجلها ووقتها أيقنعت أنو في حاجة ما تمام حاصلة، أمي تابعت باقي كلامها وقالت لي من بعد الفطور قالو ماشين السوق ولي اللحظة دي ما جو قلت ليها كيف يعني ما جو؟! قالت لي عديل كدا قلت ليها إحتمال مشو المستشفى أو لي واحدة من صحباتهم، قالت لي ضربنا ليهم كلهم بس قالو أنهم ما معاهم قلت ليهم طيب هي قالت ماشة ياتو سوق؟! أمها قالت لي سوق بحري قلت ليهم ح أمشي أفتشها وأجي ما تخافو، وبالفعل مشيت وقلبي في يدي وطول الطريق بدعي أني القاها وما يكون حاصل ليها شي، حومتا الأسواق دي كلها ما سوق بحري براهو لكن ما لقيتها، قلت أكيد ميامن ما بتكون في السوق لانها أستحالة تفضل لي الوقت المتاخر دا، مشيت المستشفى لكن برضو ما لقيتها وضربتا تاني لي صحباتها بعد شلت أرقامهم من ناس أمها بس للاسف سمعت نفس الجواب أنهم ما شافوها وأخر مرة أتكلمو معاها قالت ليهم ماشة السوق، لحدي الساعة تسعة وهي ما جات ولا جانا منها خبر وأنا بس مقلق ومتوتر وما عارف أعمل شنو، لمن ما جات عرفت أنو في شي حاصل ليها وما بعيدد يكون راجل نسيبة عمل فيهم شي، أخخخ يا ميامن اخخخ كلمتك وحزرتك لكن إنتي عنيدة شدددديد، هسي يا ربي ح الم فيها وين💔! اليوم داك فضلت طول الليل لافي بفتش في الشوراع على أمل أني القاها، وخالتو سامية ما رضت تدخل البيت قبل ما تجي بتها الا لمن أمي دخلتها بي الغصب، يعني يا ميامن إنتي ما عارفة الحالة الدخلتينا فيها كلنا شنو ما أمك براها، لمن قنعنا أننا ما ح نلقاها مشينا فتحنا بلاغ وقالو لينا لمن تتم أربعة وعشرين ساعة حتى بعدها هم بيدو يفتشو عليها، يا ربي ح أصبر كيف وأنا ما عارف عنها حاجة، يا رب تكون كويسة💔...
_____
_هييي يا ولد داً شنو السمعتو من النذير دا!
=سمعتي شنو يا حجة
_هسي لاقاني وكلمني وقال لي ولدك قال ماشي الخرطوم، صحي الكلام دا!
=أيي بالحيل ماشي البندر الاسبوع الجاي
_أنت أنا قايلة راسك دا ما كويس، كيف يعني راجع البلد ديك تاني، ناسي الحصل ليك فيها!
=ماا ناسي يا حجة لكن أنا ح أمش عشان أوريها الما بتعرفو بت اللذين دي، أتخيلي قلت ليها رسلي لي قروش لي اللحظة دي ما ردت، دايرة تقوي راسها لكن أنا بعرف اقطعو ليها كيف تصبر لي..
