#ليُحيا_بك_قلبي29
بقلم: ميامن أحمد
قال لي يعني حابة تسمعي أني بحبك وغيران عليك ولا كيف، قربت منو أكتر وقلت ليهو إيوة ده الحابة أسمعو لي أكتر من شهر قال لي كلامك دة بدل على أنك كنتي مسبقاً بتحبيني! قلت ليهو بحبك! دا أنا بعشق كل تفصيلة فيك وكل حاجة بتخصك، ما كنت متوقعة يجي يوم وأحب وأتحب تاني بس أنت بتصرفاتك خليت اليوم دا يجي، دايما بلقاك بتشدني تجاهك يعني كل ما أبعد منك خطوة واحدة تلقائيا أنت بتقربني ليك عشرين خطوة جد ما عارفة أقول شنو أحاسيسي ملخبطة شددديد اللحظة دي وحاسة بشعور حلوو وأنا قريبة منك وبسمع كلمة بحبك من لسانك أنت بالتحديد، عارف أنا حسيت نفسي عظيمة متيين! حسيت كدة بس لمن حبيتك يا يحيى❤️قال لي دا أنا العظيم بيك والله حياتي من دونك كانت جايطة وملخبطة وما مفهوم منها شي بس فجأة ظهرتي إنتي ورتبتيها، حاسس كلمة بحبك دي قليلة جداً جداً قدام الشعور الانا حاسي بيهو تجاهك، ما عارف أقول حاجة غير أنو ربنا ما يحرمني منك ولا من وجودك جنبي قلت ليهو كل موقف حصل لي معاك سواء كان كبير ولا صغير لسه محفور جوااي، لما شفتني بدون نقاب، لمن حكيت ليك معاناتي مع كمال تحت المطر، وقفتك جنبي ، لما أتخطفنا أنا وننو وكنتا أنت أول زول بيجي على بالي عشان يساعدنا، عرسنا وتفاصيلو، نومتي في مكتبك يوم داك، لمن شفت كمال ونمتا في حضنك وأنا خايفة وبعدها أتطمئنت، حاجات كتتتيرة بتمنى أنها تنعاد بس عشان هي معاك يا يحيى❤️قال لي لمن أتختطفي وسبتا كل حاجة وفضيت نفسي عشان القاك وقتها عرفت أنك أنسانة مهمة شددديد في حياتي وما بقدر بدونك، صاح ما أتوقعتا أننا ممكن في يوم نعرس بس حاليا مبسوط شددديد وبحمد ربنا لاننا مع بعض وفي بيت واحد، هو كلام كتتتير وعارف أني لو قعدت أتكلم من هسي لحدي بكرة ما أخلص وحأكتفي بي أني حبييتك يا ميامن، حبيتك كل حاجة فيك وأدمنتها .. ما أعتقد أنو حتجي لحظة ألطف من لحظة يحيى لمن قال لي بحبك❤️..
____
اليوم التاني من الصباح رجعت بيتنا عشان كان عندي شغل وحاجات ما عملتها، كنتا مشغولة شددديد طول اليوم فما لقيت فرصة أتكلم بيها مع يحيى خالص وهو كان منبهني أتصل عليهو عشان أطمنو علي .. مهاد أختي قالت ما عايزة تعمل حنة فعملنا ليها قعدة صغيرة ودقينا فيها دلوكة وغنينا، كنتا بأكل وبغني معاهم في نفس الوقت، ونحنا بنغني كدة تلفوني رنا لقيتو دة يحيى، رديت وقلت ليهو هااي هااي قال لي وين جادعة الزفت دة من قبيل بتصل ليك ما بتردي قلت ليهو كان عند ميار بتلعب بيهو قال لي مش أنا قلت ليك أتصلي طمنيني عليك! قلت ليهو أسفة، أسفة أنشغلت والله قال لي المهم تسيبي أي حاجة من يدك فوراً وتتطلعي لي برة قلت ليهو أنت هنا يعني! قال لي إيوة أشتقت ليك وجيت أشوفك قلت ليهو حاليا مشغولة وباكل قال لي ما بعرف أنا عايز أشوفك هسي ومعاك خمسة دقائق بس عشان تجي يلا منتظرك وقفل الخط، ما كان عندي حل غير أني أمشي ليهو عدلت توبي وغطيت بيهو وشي وطلعت ليه، الوقت كان بالمغربية كدة لقيتو واقف جنب عربيتو ومتكل عليها، قلت ليهو حبييبي السمح قال لي كنت ح أشاكلك بس أول ما الكلمة دي طلعت منك نسيت أنا كنت عاوز أقول شنو أصلا قلت ليهو خلاص عرفت تاني حأسكتك بشنو قال لي مجنونة لكن بحبك+ أرح أطلعي العربية قلت ليهو ماشين وين! قال لي ولا مكان بس أشتقت لي مرتي وعاوز أشوف وشها وأسلم عليها، مديت ليهو يدي وقلت ليهو أها سلم قال لي بطلي تتغابي عارفاني عاوز أسلم عليك كيف قلت ليهو تاافة قال لي نكون واضحين التفاهة دي أنا سيدها قلت ليهو باين باين قال لي بطلي كلام كتتير وأركبي عشان ما أتهور وأحضنك في الشارع قلت ليهو لالا خلاص ألا التهور دة، ركبنا العربية وهو كان رافع القزاز ومظلو، نزلت التوب من وشي وقلت ليه أها أتمعن في ملامحي دي كويس قال لي أنا أساسا حافظها بس ضروري أشوفها كل يوم عشان أحس نفسي رايق ومبسوط قلت ليهو قلبي قلبي، ضماني عليهو وقال لي أشتقت ليك جداً قلت ليهو حتى أنا والله قال لي بس منتظر اليومين ديل يخلصو وتاني بعدها ما حأجيبك لي ناس أمك نهائي لانك بتقعدي عندهم كتتير وأنا ما بقدر بدونك قلت ليهو بجي بالدس🤣قال لي غايتو إنتي قلت ليهو مالي طبيعة، سكت شوية وبس بقى يعاين لي، قلت ليهو في إييه بتعاين لي بالطريقة دي! قال لي إنتي قبل ما تجي كنتي بتاكلي في شنو! قلت ليهو طعمية بجبنة قال لي إيوة عشان كدة قلت ليهو لييه مالك بتسال! قال لي دقيقة، قرب مني شدديد وفجاة لقيتو ببوس طرف شفايفي وقال لي كان في جبنة هنا وحبيت أزحها ليك بطريقتي😉❤️قلت ليهو بتحب تستغل المواقف* قال لي بالظبط يا عسل قلت ليهو على فكرة أنا ما كملت باقي أكلي بسببك وجعانة من الصباح ما ختيت حاجة في خشمي قال لي إنتي لي راسك ده قوي كدة مش قلت ليك أكلي وما تقعدي جعانة أخخخ منك أعمل معاك شنو بس! قلت ليهو والله ما لقيت طريقة قال لي تاني ألقيها والا حأجي وأسوقك من هنا وأهتم بيك بنفسي قلت ليهو حاضر حاضر ح أكل في الزمن المحدد قال لي ما يكون كلام سااي! قلت ليهو لالا أبداً قال لي شاطرة وإنتي بتسمعي الكلام قلت ليهو مش🙈! المهم أتونستا معاهو شوية وبعدها رجعت دخلت البيت....
