#ليُحيا_بك_قلبي5
بقلم: ميامن أحمد
أتصدمت لمن شفتو واقف قدامي وأستغربت جداً الجابو هنا شنو!، هو ما ركز معاي لانو شكلو ما عرفني الزول الورانا جاهو وقال ليهو دكتور يحيى ديل تقارير المريض الامبارح قلت لي أجيبهم ليك الليلة ما لقيتك كنت بفتش ليك من الصباح قال ليهو أي كنت ماف لانو دي دخلتي المستشفى ياداب، الاء براحة قالت لينا عاد يا يمة يحيى السرور والخاطر المجبور براءة قالت ليها وبعلييي من السماحة أنا خلاص أعلنت إنبرشي قلت ليهم أستكو وأرح من هنا مسكتهم من يدينهم وسقتهم لانهم ما كانو ح يمشو معاي وريالتهم كانت على وشك أنها تسيل وهم بعاينو ليه، لمن طلعنا برة قلت ليهم أنا الولد دا بكرهو كره العمى ما تنبرشو فيهو قدامي، الاء قالت لي أجي يا البكرهو هو إنتي بتعرفيهو من وين أساسا عشان تكرهيهو! قلت ليها دا ولد خالتو سلمى الكبير قالت لي هيا خالتو سلمى عندها ولد كبير؟! قلت ليها إيوة كان مسافر وجا قبل أسبوع كدة وحصل لي معاهو كم موقف عشان كدة بكرهو الاء قالت لي يعني جيرانكم! قلت ليها أيي قالت لي خلاص أنا جاية أسكن معاكم قلت ليها أقول ليك بكرهو تقولي لي جاية أسكن معاكم شوف الوسخة دي بالله قالت لي خالد وأحميتينا نبرش فيهو وهسي جاية تحمينا يحيى لالا ما بينفعش قلت ليها ولا كمان بتقولي يحيى سادة كدة تقول بتعرفيهو من زمان أنا بت جيرانهم ياداب دي أول مرة أعرف أسمو قالت لي ما غبية بس قلت ليها نفسي أعرف الجابو هنا شنو! قالت لي ما سمعتي الولد قال ليهو ديل تقارير مريض يعني شغال هنا قلت ليها كيف يعني شغال هنا وهو من جا السودان ما تما ليه أسبوع قالت لي بري علمي علمك يختي قلت ليها أكتر أتنين بكرهم شغالين معاي في نفس المستشفى حسبي الله بس قالت لي على فكرة يا ميامن إنتي جاحدة النعمة عليك الله هسي الزي خالد ويحيى ديل بكرهوهم! ألا يكون عقلك دا فيهو شي قلت ليها أنا عقلي كويس وما فيهو حاجة أنتو الغرييات تنبرشو في الماشي والجاي ألاء قالت لي أحلى شي كمان هو نحنا لاقين نشوف وشوش سمحة كدة قلت ليها أخخخ الكلام معاك ما منو فايدة براءة قالت لينا عاينو كدي أسكتو دقيقة وأسمعوني لقيت كم مكالمة من أيمن ونحنا الليلة ماشين ناس أمو وأنا قبيل وصيتو على كم حاجة يجيبها لي معاهو وشكلو ضرب هسي عشان يشوفني وين فشنو بطلو نقاش وخلونا نتخارج سريع قلت ليها طيب أرح عشان ما تتاخري على زوجك قرة عينك قالت لي أحيي أنا من زوجك دي🙈، قلت ليها يلا قدامي سريعع......
لمن رجعتا بيتنا لقيت خالتو سلمى قاعدة مع ماما، قلت ليها ياا سلام وأنا أقول بيتنا دة مالو منور قالت لي حبييبتي إنتي قلت ليها كويس جيتينا عشان أمشي أظبط ليكم القهوة وريحتيني من الاتصال وقولت يا خالتو تعالي القهوة ضحكت وقالت لي مش بالله! قلت ليها إيوة، مرقت عبايتي ومشيت عملت ليهم القهوة بي بخورها والمكسرات حقتها وجيت، بدينا نشرب فيها كدة ماما ضربتني في راسي وهبشت شعري وقالت لي خالتو عليك الله عاني خربت شعرها كيف وقصتو قلت ليها أسمها حررت عنقها يا ماما ما قصتو🌚✅ قالت لي بلا تحرير بلا زفت معاك دا خراب شعر بس ما أكثر ولا كمان صابغاهو، خالتو قالت ليها أصلا الشعر القصير طالع موضة قلت ليها بالظبط، ماما قالت لي يا حليلي أنا من وإنتي صغيرة ما خليت ودك ولا كركار ولا شي ما عملتو ليك في شعرك ولمن أتصلح وطال مشيتي قصيتيهو🙂💔قلت ليها ما تتضايقي يا حجة القص دة ح يفيدو على فكرة ولو أنا ما قصيتو مرة تانية ح يطول أكتر من الاول قالت لي وأن شاء تكوني ناوية أنك تقصيهو تاني!قلت ليها مفكرة في الفكرة😅🤭قالت لي فكري كويس عشان أنا أقص ليك رقبتك يا حيوانة قلت ليها ماما أعصابك قالت لي إنتي بقيتي قليلة أدب جداً قلت ليها خلاص معليش معليش🤣💔حمرت لي وتابعت باقي قهوتها، بعد خصلنا من القهوة خالتو قالت لينا يلا يا جماعة فتكم بعافية، ماما قالت ليها على وين بدري كدة! قالت ليها كان بودي أقعد معاكم والله لكن عندي شغلة ماشة أخلصها، ماما قالت ليها ااا تمام، قامت وماما مشت معاها قدمتها وأنا مشيت غسلت العدة....
