အမောင် အပိုင်းငါး။
ချစ်မိခြင်းက မိုက်မဲခြင်းတဲ့လေ။
ဒေါ်ခင်မူယာဟာ သံသရာအဆက်ဆက် ကျုပ်မိုက်မဲပြစ်လိုက်ချင်သော ရူးသွပ်မှုလေးပေါ့။
" ဗျို့ သူကြီးခဗျ "
" ကိုလှဖေတို့ပါလား ဘာကိစ္စနဲ့လာတာလဲရှင့် "
" ဒီတိုင်းအလည်သက်သက်ပါပဲဗျာ "
" ကိုကိုကြီးက ဘုရားစိန်ဖူးတော်တင်ပွဲသွားတယ်၊ အိမ်မှာ ခင်နဲ့ မမကြီးပဲရှိတယ် "
ထင်ထားသည့်အတိုင်း သူကြီးမရှိပါ။
ဟိုဘက်ရွာတွင် ဘုရားစိန်ဖူးတော်တင်ပွဲရှိသည်မို့ မနက်ကတည်းက ဖေဖေလည်း အိမ်တွင်ရှိမနေ။ ထိုနေရာအား သူကြီးနဲ့အတူသွားကြခြင်းဖြစ်လိမ့်မည်။
" ကဲ ဒါဆို ကိုလှဖေပြန်နှင့်တော့၊ ကျုပ်ပဲ စောင့်နေခဲ့တော့မယ် "
ကိုလှဖေတစ်ယောက် လာရာလမ်းအတိုင်း ပြန်သွားချေပြီ။ ကျုပ်နဲ့ ဒေါ်ခင်မူယာလည်း ခြံထဲရှိ ကွပ်ပျစ်လို့ လျှောက်လာလိုက်သည်။
" လွတ်လွတ်လပ်လပ်နေနော်၊ ခင် လက်ဖက်သွားသုပ်ဦးမယ် "
" မသွားပါနဲ့ ဒေါ်ခင်မူယာရယ်၊ ကျုပ်တစ်ယောက်တည်း ထိုင်နေရမှာ ပျင်းလို့ပါ "
" ခဏပဲကြာမှာပါ "
" ခဏဆိုတဲ့အချိန်က ဒေါ်ခင်မူယာမရှိတဲ့ ကျုပ်ရဲ့တစ်နေ့တာအတွက် အရှည်ကြာဆုံး အစိတ်အပိုင်းပါပဲ။ မသွားပါနဲ့ ကျုပ်ရေနွေးကြမ်းပဲသောက်ပါ့မယ် ဒေါ်ခင်မူယာ "
ကွပ်ပျစ်လေးပေါ်တွင် မျက်နှာချင်းဆိုင်ထိုင်ကာ နှစ်ဦးသားတိတ်ဆိတ်လို့ရယ်။ ငှဲ့ထားသော ရေနွေးကြမ်းခွက်လေးမှာတော့ သောက်သုံးသူမဲ့လျက်။
မည်သည့်စကားကိုမျှ မဆိုပါပဲ ခင့်မျက်နှာအား တစိုက်မတ်မတ်ကြည့်နေသူကြောင့် အနေရကျုံ့လေပြီ။ အကြည့်စူးစူးများဟာ အံ့ဩဖွယ်ကောင်းလောက်အောင်ကို ကြည်နူးခြင်းများဖြင့် ပြည့်နှက်လျက်ရှိသည်။ ကြည်လဲ့လဲ့ ထိုမျက်ဝန်းများအား ခင် ဘယ်လိုအင်အားနဲ့မှ မတွန်းလှန်နိုင်တော့။ ထို့ကြောင့် ကိုယ့်ဘက်ကသာ စကားစဖို့အရေး အကြောင်းဖန်လာတော့သည်။
DU LIEST GERADE
အမောင် (completed)
Romantikage gap (U/Z) " အမောင်ဟာ အမောင်ပါပဲ ထာဝရအတွက်ပေါ့ " ၅ ဇွန်လ ၂၀၂၂ - ၃ နိုဝင်ဘာလ ၂၀၂၂ 🗞️ " အေမာင္ဟာ အေမာင္ပါပဲ ထာဝရအတြက္ေပါ့ " ၅ ဇြန္လ ၂၀၂၂ - ၃ နိုဝင္ဘာလ ၂၀၂၂
